劉興記生煎包專門店

營業中

休息中

【元朗區】【劉興記生煎包專門店】上次講到我同經理哥入咗元朗做嘢，由於做嘢嘅時間比較耐，所以都唔止食咗一餐，今次我哋就喺朗屏邨同水邊圍邨嗰邊食。唔知嗰邊啲人會點形容嗰個位，不過就係好多嘢食同埋好熱鬧。喺天橋扶手電梯嘅下面有呢間叫劉興記嘅餐廳，見佢企理又光猛就試佢。我哋係 share 食嘅，首先試咗 $54 嘅「皇牌S4」套餐，有十二粒「鮮雞湯小雲吞」加兩隻「生煎包」，小雲呑好足料，裝到勁大碗，而生煎包就真係食到爆晒汁，勁高質。之後試 $40 四隻嘅「上海小籠包」，又係勁多汁喺入面，豐盈飽滿，我哋都覺得好正。另外仲試咗碗 $42 嘅「麻醬手撕雞粉皮」，麻醬勁香，粉皮勁足料，手撕雞又好味，掂。最後試埋 $28 嘅「手工豆沙窩餅」，一層層皮包住啲豆沙，好味。成餐飯都好爽，仲未夠癲，食滿 $60，有「豆漿」任飲，我哋飲咗勁多杯，好滿足。埋單先 $164，抵。。。（地址：元朗俊賢坊18號權益大樓地下15號舖）#1amfoodie #foodie #hkfoodie #thatfoodiething #hkfood #food #instafood #yummy #foodlover #delici