鴻利住家菜

營業中

休息中

【元朗區】【鴻利住家菜】入到嚟元朗水邊圍呢邊，已經唔係好似幾年前咁同啲學生周圍食嘢，而係同皮蛋哥、林洪哥嚟呢間老牌客家菜食飯。皮蛋哥已經唔係第一次嚟，所以駕輕就熟咁坐低咗。事頭婆介紹 $128 嘅「魚雜湯」，話係新出，餐牌冇。講到咁掂就叫個嚟飲吓，落咗薑同埋胡椒辟腥之下，成碗嘢只係保留返魚嘅鮮味同埋魚雜嘅少少腥臭 feel，係好正。而且，香港好似比較少機會接觸魚雜，多數都係牛雜同豬雜。而我覺得呢個「香港代表」，實力都不容小覷。主菜我哋叫咗個 $208 嘅「二人套餐」，有一份「霸王雞」例牌，啲雞整得幾滑，調味都唔錯，加埋成件事幾好。而菜類就叫「炒芥蘭」，幾好食嘅。小菜方面叫咗「椒鹽豬扒」，有啲花生醬加上去咁嘅 feel，食落好邪惡。個餐仲有兩碗「白飯」，不過本身我都唔多好，食半碗就夠，反正之後仲有 $88 嘅「潤腸排骨煲仔飯」。呢度啲煲仔飯聽講一直都唔錯，但今年引入咗自轉機去控制火候，反而令個飯濕咗啲，但條潤腸都係咁正。埋單 $416，抵食。。。（地址：元朗媽廟路永發大廈24號K號地舖）#1amfoodie #foodie #hkfoodie #thatfoodiething #hkfo