影片
更多
2023-05-29
495 瀏覽
🌟招牌麻辣燙(小辣) $58呢個麻辣燙性價比都這，$58已經包4個餸，我簡咗花枝滑、肥牛、豆卜同菜心，麵底佢都多選擇，我就簡咗出面比較少見嘅刀削麵。佢個湯底味道唔會好咸又唔會好辣，仲可以飲幾啖幾過癮。特別會想讚一讚個刀削麵，食落好彈牙超有咬口。配料方面真係要大大力推呢個花枝滑，墨魚味好濃好好食。.🌟夜貓大雞髀 $35見呢個都係招牌之一就叫咗一份試，上到台真係好大隻，個皮燒到非常香脆，餐廳仲會提供刀叉比你，一切落去啲汁就出曬嚟，每一啖都好滿足。.🌟三文魚頭 $68呢個三文魚頭我覺得係最好食嘅一樣，三文魚頭都大隻又多肉，仲有好多骨膠原。餐廳本身已經加好多調味料燒到好香，再加多少少檸檬汁提鮮，呢個魚頭真係冇得頂，最後比我清到乾乾淨淨🤣.🌟饅頭 $22第一次見串燒店入面會有燒饅頭呢個選擇，好奇心驅使下即時叫咗嚟食，感覺加埋一堆辣粉調味料幾特別。.🌟蒜蓉娃娃菜 $32娃娃菜份量都算多，而且仲要落得好重蒜蓉，味道高質！.🌟墨魚嘴串 $30墨魚咀比我想像中大粒，一串有4粒，咬落都好彈牙口感好正。.🌟芝士年糕 $30網上見到又好幾個食評都有叫，所以我又叫嚟食，個人覺得係高質嘅，出面加有蜜糖燒但又唔會話
呢個麻辣燙性價比都這，$58已經包4個餸，我簡咗花枝滑、肥牛、豆卜同菜心，麵底佢都多選擇，我就簡咗出面比較少見嘅刀削麵。佢個湯底味道唔會好咸又唔會好辣，仲可以飲幾啖幾過癮。特別會想讚一讚個刀削麵，食落好彈牙超有咬口。配料方面真係要大大力推呢個花枝滑，墨魚味好濃好好食。
.
🌟夜貓大雞髀 $35
見呢個都係招牌之一就叫咗一份試，上到台真係好大隻，個皮燒到非常香脆，餐廳仲會提供刀叉比你，一切落去啲汁就出曬嚟，每一啖都好滿足。
.
🌟三文魚頭 $68
呢個三文魚頭我覺得係最好食嘅一樣，三文魚頭都大隻又多肉，仲有好多骨膠原。餐廳本身已經加好多調味料燒到好香，再加多少少檸檬汁提鮮，呢個魚頭真係冇得頂，最後比我清到乾乾淨淨🤣
.
🌟饅頭 $22
第一次見串燒店入面會有燒饅頭呢個選擇，好奇心驅使下即時叫咗嚟食，感覺加埋一堆辣粉調味料幾特別。
.
🌟蒜蓉娃娃菜 $32
娃娃菜份量都算多，而且仲要落得好重蒜蓉，味道高質！
.
🌟墨魚嘴串 $30
墨魚咀比我想像中大粒，一串有4粒，咬落都好彈牙口感好正。
.
🌟芝士年糕 $30
網上見到又好幾個食評都有叫，所以我又叫嚟食，個人覺得係高質嘅，出面加有蜜糖燒但又唔會話太甜，入面仲有芝士流心，年糕又煙韌，鍾意煙韌口感嘅真係唔可以錯過！
張貼
