影片
更多
2022-10-07
619 瀏覽
有日見到同事Story食Omakase，見賣相都相當吸引就問下係邊間，同事就推介左呢間位於元朗嘅鮨無雙，睇埋價錢之後即日就上網預訂座位。記得當日天氣都相當熱，而餐廳營業時間為12點，係11點45分左右出面都已經陸陸續續開始多人，同街基本上都係賣車零件及修理車輛的商鋪，選址方面有失分數。內部環境值得一提嘅位係每個座位都可以一覽佢嘅廚房，而整個廚房都非常整潔，刀具同碗碟擺放整齊，調味料器皿亦充滿日本特色。———————————————🌟Premium Lunch Course: $620/ ppl (exclude 10% service charge)Appetizer 前菜Steamed Egg Custard 茶豌蒸Sashimi 4 Kinds 刺身4款Sushi 8 Pieces 手握壽司8款Mini Rice Bowl 三色丼Soup 麵豉湯Dessert 甜品.🌟黑松露松葉蟹茶碗蒸呢個茶豌蒸材料比例做得非常好，口感非常嫩滑幾乎有入口即溶嘅感覺。黑松露味道唔重但香味濃烈，上菜時就已經聞到陣陣黑松露香，再襯托返松葉蟹嘅味道，真係人生中可以稱之數一數二嘅茶碗蒸。.🌟甜蝦壽司鍋巴呢個
———————————————
🌟Premium Lunch Course: $620/ ppl (exclude 10% service charge)
Appetizer 前菜
Steamed Egg Custard 茶豌蒸
Sashimi 4 Kinds 刺身4款
Sushi 8 Pieces 手握壽司8款
Mini Rice Bowl 三色丼
Soup 麵豉湯
Dessert 甜品
.
🌟黑松露松葉蟹茶碗蒸
呢個茶豌蒸材料比例做得非常好，口感非常嫩滑幾乎有入口即溶嘅感覺。黑松露味道唔重但香味濃烈，上菜時就已經聞到陣陣黑松露香，再襯托返松葉蟹嘅味道，真係人生中可以稱之數一數二嘅茶碗蒸。
.
🌟甜蝦壽司鍋巴
呢個係唯一一件與眾不同嘅壽司，以鍋巴代替壽司飯，非常有創意！鍋巴入口非常香脆，同時配合鮮甜細膩嘅甜蝦，令人味覺為之一振。
.
🌟海膽三文魚子丼飯
師傅首先以魚油撈飯，再加上厚厚嘅一層海膽同一大羹三文魚子，最後再以紫蘇花點綴。整個丼飯賣相本身已經非常吸引，入口非常香口，完全唔覺油膩。海膽同三文魚子份量亦都好足，每一啖都有大大嘅滿足感。師傅於製飯前會詢問需唔需要少飯，非常貼心。
.
🌟自家製開心果雪糕
呢間嘅開心果雪糕令人非常有驚喜，甜度調得啱啱好，食完成餐再食雪糕都唔會覺得膩。之前都有食過專營雪糕鋪嘅開心果雪糕，雖然咬到果粒但亦保留左開心果本身嘅微苦味。相反鮨無雙嘅雖然唔係好咬到果粒，但整個開心果味道濃厚，感覺比雪糕店更勝一籌。
.
🔶整體評價🔶
食材非常新鮮，大多剌身及壽司都入口即溶，多數以檸檬、青檸皮、醬汁及紫蘇花調製味道。服務亦做得非常周到，會考慮食客食量，添茶速度快，見到我前菜食完仲會自動幫我添。價錢以Omakase嚟講真係非常抵食，唯一嘅小缺點只係地點問題，作為Chiller嘅我亦打算於下一季再次光顧嘗試其他菜式，私心極力推介比大家，記得要預先上網落訂金提前訂座！
.
🔸味道：10/10
🔸環境：7/10
🔸服務：8/10
🔸打卡指數：8/10
———————————————
🍽️鮨無双 SUSHI MUSOU
📍元朗建德街35-55號時景花園地下9號舖
Shop 9, G/F, Cher King Garden, 35-55 Kin Tak Street, Yuen Long
🚘泊車小貼士：光記停車場 ($20/hr)，步行至餐廳只需2分鐘。
———————————————
👉🏻#hkchiller美食地圖_元朗
👉🏻#hkchiller午餐推介
👉🏻#hkchiller_Omakase
張貼
