影片
更多
2024-05-22
218 瀏覽
身為元朗牛嘅小編近排先知道元朗有間酒吧餐廳係有Live Band 聽！不過據聞只限星期日，大約七點九至八點開始。小編知道即刻Book 位嚟試試～入面環境其實幾有氣氛，燈光偏暗，但到開show 前會開始有射燈，同三五知己嚟坐下、飲下嘢食下嘢、聽下歌都幾Chill！➡️椰菜花忌廉湯 （餐湯）原來以為係啲馬馬虎虎嘅罐頭忌廉湯加少少椰菜花，點知飲落去好重椰菜花味，但又冇椰菜花陣臭青味，仲有椰菜花未攪爛晒嘅微粒，飲得出真材實料。味道：7/10➡️Pan-seared Foie Gras with Toast $78/1鵝肝多士呢個係晚餐加購，鵝肝有明顯香煎過，色澤好靚。入口軟腍冇筋，油脂爆發，油香四溢。小編一般都唔食內臟，但佢內臟味唔重，所以都幾啱口味。另外鵝肝會配上balsamic glaze同沙律，可以中和油膩，作為前菜認真唔錯。味道：8/10➡️Set Dinner ➡️Grilled Spanish 100%1 DUROC Pork Loin with strawberry Gravy $188烤西班牙100%杜洛克黑毛豬扒配士多啤梨燒汁 🐖🍓豬扒因為係杜洛克黑毛豬，一般食橡果、杏果同植物長大，
入面環境其實幾有氣氛，燈光偏暗，但到開show 前會開始有射燈，同三五知己嚟坐下、飲下嘢食下嘢、聽下歌都幾Chill！
➡️椰菜花忌廉湯 （餐湯）
原來以為係啲馬馬虎虎嘅罐頭忌廉湯加少少椰菜花，點知飲落去好重椰菜花味，但又冇椰菜花陣臭青味，仲有椰菜花未攪爛晒嘅微粒，飲得出真材實料。
味道：7/10
➡️Pan-seared Foie Gras with Toast $78/1
鵝肝多士
呢個係晚餐加購，鵝肝有明顯香煎過，色澤好靚。入口軟腍冇筋，油脂爆發，油香四溢。小編一般都唔食內臟，但佢內臟味唔重，所以都幾啱口味。另外鵝肝會配上balsamic glaze同沙律，可以中和油膩，作為前菜認真唔錯。
味道：8/10
➡️Set Dinner
➡️Grilled Spanish 100%1 DUROC Pork Loin with strawberry Gravy $188
烤西班牙100%杜洛克黑毛豬扒配士多啤梨燒汁 🐖🍓
豬扒因為係杜洛克黑毛豬，一般食橡果、杏果同植物長大，所以唔需要全熟都食得，店員亦係建議七成熟。豬扒嘅肉味明顯較濃，肥瘦適中，肉質雖然冇想像中軟腍，但都算易切易咬。因為肉本身夠靚，所以調味偏簡單，輕輕嘅鹽同黑椒已經足夠。佢仲有個好特別嘅士多啤梨燒汁，增加酸酸甜甜嘅味道，可以解膩。
味道：8/10
➡️法式花椒油封鴨脾 $198
Sichuan Pepperorn Confit Duck Leg 🦆🌶️
鴨髀外皮望落去非常之靚，呈淺啡色，相當吸引。切落脆卜卜，有少少鴨油滲出嚟，不過入面嘅肉質同我想像中好腍好易散嘅油封鴨唔同，佢比較實淨。店家另外附上燒汁，會有少少四川花椒香味，但未至於會麻會辣，感覺幾有趣。
味道：7.5/10
➡️Long Island Iced Tea $88
長島冰茶 🍹
經典嘅調酒有Gin、Rum 、Vodka、Tequila 、Triple Sec、Honey、Citrus、Coke溝成。小編少飲酒，唔多識評，對我而言酒味重，但唔會苦，尾段反而甜甜哋，而且有少少汽，飲完都幾爽。
味道：7.5/10
➡️Drunken Lemon Tea $90
渣男醉檸茶🍋🍸
估唔到呢到都有手打檸檬茶，佢主打 20 hit 嘅 lime wedge，所以主要都係檸檬味，但入口又有啲gin酒味，酒味唔會太濃幾易入口，係一杯比較清新怡人嘅飲品。
味道：8/10
整體小編覺得呢間酒吧餐廳食物都有特色，而且味道唔錯，環境亦幾有氣氛。🫶🏻 雖然喺元朗區佢消費算偏高，但結合環境，尤其是有live band 呢點，約埋班friend一齊飲飽食醉聽下歌，都係一個唔錯嘅地方～
服務：7.5/10
環境：8.5/10
抵食：7.5/10
15 瀏覽
0 讚好
0 留言
張貼
