影片
更多
2024-07-24
224 瀏覽
話說今日喺YOHO搵唔到特別想食嘅餐廳，反而出去天橋嘅時候，竟然見到有牌仔寫住有藍帶甜品、咖啡、手作餃子食。小編作為餃子同咖啡控當然要去試吓。@days.in.the.sun.hk 入面嘅環境幾令我意外，有種小清新嘅感覺。用咗白色同木係嘅裝飾，又用植物同花做點綴，同利用自然採光。成間餐廳嘅環境比到人一種好清新梁麗嘅感覺甚至有啲似婚禮嘅場地，。近排香港雖然熱辣辣，但陽光普照。入嚟坐下，好符合佢哋舖頭名Days in the Sun嘅意思。➡️家常手作餃子套餐$98呢個套餐包左油醋沙律，八隻餃子同兩個迷你瑪德蓮。沙律嘅味道都唔錯，佢比嘅黑醋份量唔少，酸得嚟唔會好唔舒服，帶少少酒香。餃子可以選擇兩款口味，小編就揀咗三鮮豬肉（鮮蝦、韭黃、蛋花）同三重芝士黑松露。先講餃子嘅外型完整，底下煎至微脆。三鮮咬落去果一下會爆汁，食得出豬肉同韭黃嘅香味，調味啱啱好。而且內餡口感實淨，唔會鬆散，又有彈牙蝦仁，意外地唔錯，唯獨餃子唔算好飽滿，小編鍾意大隻啲滿足啲。🤣🤣🤣至於黑松露比較係想像到嘅味道，內餡帶黑松露嘅幽香，加上半溶芝士，鹹鹹香香，又吊返起豬肉香味。不過小編比較鍾意三鮮嘅味道！尤其是要點佢提供嘅辣椒油
話說今日喺YOHO搵唔到特別想食嘅餐廳，反而出去天橋嘅時候，竟然見到有牌仔寫住有藍帶甜品、咖啡、手作餃子食。小編作為餃子同咖啡控當然要去試吓。
@days.in.the.sun.hk 入面嘅環境幾令我意外，有種小清新嘅感覺。用咗白色同木係嘅裝飾，又用植物同花做點綴，同利用自然採光。成間餐廳嘅環境比到人一種好清新梁麗嘅感覺甚至有啲似婚禮嘅場地，。近排香港雖然熱辣辣，但陽光普照。入嚟坐下，好符合佢哋舖頭名Days in the Sun嘅意思。
➡️家常手作餃子套餐$98
呢個套餐包左油醋沙律，八隻餃子同兩個迷你瑪德蓮。
沙律嘅味道都唔錯，佢比嘅黑醋份量唔少，酸得嚟唔會好唔舒服，帶少少酒香。
餃子可以選擇兩款口味，小編就揀咗三鮮豬肉
（鮮蝦、韭黃、蛋花）同三重芝士黑松露。先講餃子嘅外型完整，底下煎至微脆。三鮮咬落去果一下會爆汁，食得出豬肉同韭黃嘅香味，調味啱啱好。而且內餡口感實淨，唔會鬆散，又有彈牙蝦仁，意外地唔錯，唯獨餃子唔算好飽滿，小編鍾意大隻啲滿足啲。🤣🤣🤣
至於黑松露比較係想像到嘅味道，內餡帶黑松露嘅幽香，加上半溶芝士，鹹鹹香香，又吊返起豬肉香味。
不過小編比較鍾意三鮮嘅味道！尤其是要點佢提供嘅辣椒油。呢度嘅辣椒油非常多渣，佢嗰種辣係屬於香辣，而且係慢慢攻上嚟嘅，辣得來又舒服。搭配三鮮餃子特襯！❤️
食完煮餐就可以試吓呢度嘅甜品瑪德蓮。據說甜品師傅曾經喺藍帶嘅學院或者課程學師，相信甜品有返咁上下質素。佢嘅瑪德蓮尺寸比較細，但焗得幾靚，出面脆脆地，入面金黃色，非常鬆軟，而且有牛油同檸檬嘅香氣，唔會太膩。
味道: 8.1/10
Ciao Bella (Honey Lemon Espresso Tonic)（午餐＋$29）
小編曾經喺出面嘅餐廳度飲過呢個飲品，我會話呢度嘅檸檬味比較重，espresso 亦都搶味，令蜂蜜味唔太突出。而且可能我擺得太耐，已經冇乜氣。
味道: 7.4/10
抵食：7.2/10
環境：8/10
服務：7.2/10
DAYS IN THE SUN (元朗)
元朗鳳攸北街9A昌威大廈地下28號舖
#香港必食 #香港美食 #食評 #香港食評 #香港生活 #小紅書 #hkig #hkfood #hkfoodie #hkeat #yuenlong #yuenlongfood #元朗 #元朗美食# #甜品 #咖啡 #餃子 #辣椒油 #dessert #dumpling #cafe #coffee #小清新 #藍帶 #daysinthesun
張貼
