風雲丸

營業中

休息中

位於K11對面，一個個日式燈籠夠哂搶眼，點都吸引到我入去試下味，呢間店簡直岩哂d大胃王去食，麵底可以叫大盛300g、特大400g盛，仲有好誇張既富士山盛800g，全程都留意有無人真係會叫咁大碗...仲可以追加明太子香鬆飯，可以將剩餘既濃湯拌勻成雜炊，呢個有d吸引，但係我食並盛200g都已經好飽，想試記住唔好叫其他小食。▫️天使赤海老櫻花蝦沾麵期間限定之選，選用左特製既櫻花蝦麵，一條條粉紅色既麵條，真係有蝦味架，配合埋櫻花蝦濃湯，仲提升到麵既味道，有別於一般拉麵。▫️咖喱魚介沾麵 唔知大家有無聽過「豬骨退場，魚介上位」，所謂魚介，就是各式的乾魚，通常會加入昆布、木魚、沙甸魚、櫻花蝦等，至於廚師用咩材料來做魚介就一定係商業秘密啦，但呢個廚師大膽加入咁濃味既咖喱，係有d料。▫️辛口沙拉燒餃子堅辣，唔食得辣真係唔岩，玩大左，佢既辣係咬開餃子之後不斷係口腔入面滲出來，證明餃子夠哂juicy。