影片
更多
2022-04-21
743 瀏覽
最近又再次黎到愉景新城食Antoshimo，午市套餐都幾抵食，$69起就有一份主食 + 配飯/烏冬 + 野飲 + 冬甩😋 入座之後用QR code落單，都幾方便👍🏻因為甜品係靈魂所在，其他食物就簡單講一講🙆🏻♀️◦ 蜜糖芥末鍋煮豚肉配三色蒸飯 $69豚肉煮得幾入味，切得幾薄，加埋蜜糖芥末都幾好食😋 裏面仲有椰菜，都煮得幾入味，醬汁係偏甜既；蒸飯就普通，飯都蒸得唔錯，但係D配菜例如南瓜就麻麻地，口感怪怪地，唔夠熟😢◦ 柚子脆雞配壽喜燒湯烏冬 $79柚子味唔重，洋蔥亦比較生，冇咩味。炸雞份量中等，食得出唔厚粉，但都比較乾身；烏冬煮得唔錯，湯底普通🙆🏻♀️◦ 沖繩海鹽焦糖冬甩雪糕高質！！！呢個沖繩冬甩🍩同一般冬甩唔同，佢入面唔係平時個種麵粉感覺，似麻糬個種，加上佢係新鮮炸起，所以咬落去係外表脆脆地，再帶點煙韌，伴住海鹽焦糖醬咁食真係好夾😋😋😋 雲呢拿雪糕都幾大一球，味道都唔錯，再加埋放係碟邊既紫薯蓉，冷熱交融係絕配呀🤩！呢份平時就咁嗌都要$39，而家係跟餐送！抵食！😍😍😍◦ 黑糖檸檬茶 (+$3)用黑糖加落檸檬茶都比較少見，不過黑糖味同一般糖漿比我覺得都係平時個D夾少少；黑糖份量可以係自己加
因為甜品係靈魂所在，其他食物就簡單講一講🙆🏻♀️
◦ 蜜糖芥末鍋煮豚肉配三色蒸飯 $69
豚肉煮得幾入味，切得幾薄，加埋蜜糖芥末都幾好食😋 裏面仲有椰菜，都煮得幾入味，醬汁係偏甜既；蒸飯就普通，飯都蒸得唔錯，但係D配菜例如南瓜就麻麻地，口感怪怪地，唔夠熟😢
◦ 柚子脆雞配壽喜燒湯烏冬 $79
柚子味唔重，洋蔥亦比較生，冇咩味。炸雞份量中等，食得出唔厚粉，但都比較乾身；烏冬煮得唔錯，湯底普通🙆🏻♀️
◦ 沖繩海鹽焦糖冬甩雪糕
高質！！！呢個沖繩冬甩🍩同一般冬甩唔同，佢入面唔係平時個種麵粉感覺，似麻糬個種，加上佢係新鮮炸起，所以咬落去係外表脆脆地，再帶點煙韌，伴住海鹽焦糖醬咁食真係好夾😋😋😋 雲呢拿雪糕都幾大一球，味道都唔錯，再加埋放係碟邊既紫薯蓉，冷熱交融係絕配呀🤩！呢份平時就咁嗌都要$39，而家係跟餐送！抵食！😍😍😍
◦ 黑糖檸檬茶 (+$3)
用黑糖加落檸檬茶都比較少見，不過黑糖味同一般糖漿比我覺得都係平時個D夾少少；黑糖份量可以係自己加，方便大家自由控制甜度👍🏻
總括而言佢既冬甩係最值得食既菜式，同時佢哋都有做冬甩🍩外賣，而且味道有勁多種，有興趣既朋友不妨試試😋
📍Antoshimo Cafe & Bakery
荃灣青山公路荃灣段398號愉景新城1樓1066號舖 (到訪分店)
鑽石山龍蟠街3號荷里活廣場1樓182號舖
新蒲崗太子道東638號Mikiki 地下G05B號舖
油塘高超道38號大本型2樓211號舖
九龍灣宏照道38號Megabox10樓6號舖
長沙灣福華街571號曉悅地下1號舖
張貼
