唐人坊 (已結業)

去紅磡探朋友，路過呢間唐人坊茶餐廳，被佢嘅出前一丁清仔陣吸引住！原來係老闆私人珍藏，勁有heart，成間店舖都係出前一丁嘅物品，由figure 擺設到餐具都有，牆上仲貼有出前一丁嘅歷代變化，真係要超級粉絲先會咁細心😍！我地一人一個set，出前一丁泡麵配厚切豬扒🐷/網球拍雞脾🍗。麻油味出前一丁整得啱啱好，麵質彈牙😁！網球拍雞脾🍗超級有份量🤩，炸得好好，皮脆肉嫩，配上少少炸蒜頭＆蔥粒，更添惹味🤤。厚切豬扒都係一流，雖然好厚，但煎嘅火喉好好，肉質唔會太腍，保持實在嘅口感👍🏻，特別鍾意佢秘制嘅蔥油，為濃郁肉味錦上添花✨。