影片
更多
2023-05-05
860 瀏覽
【北區】【永發茶餐廳】一向我都被冠以「茶記 Foodie」嘅稱號，不過其實大家細心一睇，都見到已經有唔少非茶記嘅 post 出現咗。而今次大家劈頭第一吓見到又係「茶餐廳」就選擇直接 skip 咗佢嘅話，咁就可能會 miss 咗啲潛在啱食嘅嘢喎。咁我講到咁，今次就梗係唔係嚟茶記食常餐咁簡單。夜晚嚟到，見呢度都爆晒，枱枱都喺度嘆緊一鍋嘢，原來呢度個個都係嚟打邊爐。朋友夾我嚟，係食呢間餐廳嘅「馳名醉雞鍋」，我哋叫咗 $220 嘅「大雞」，送碟「生菜」 。咁啲雞都幾好，大 size 嚟講都幾多肉。個湯都幾重醉雞味，雖然同自己食過嘅最濃版本有一段距離，但係呢個其實已經相當唔錯。我哋仲叫咗碟 $128 嘅「美國安格斯肩胛肥牛」，得幾片，不過質素唔錯，唔會話好唔抵咁。其他火鍋配料方面，每樣嘢都有自己價錢，不過原來可以雙拼，有啲款 $50，有啲款 $60，我哋叫咗兩次都係 $60 嘅。分別係「自家雲吞拼魚皮餃」同埋「水魷魚拼鵝腸」，個雲呑同鵝腸都幾好，其他兩款都正常唔差。佢哋始終係茶餐廳，可以用 $19 叫茶記嘢飲，我哋各叫咗一杯「凍檸茶」，飲住茶記飲品打邊爐都好特別。之後仲用各 $16 叫咗「可樂」
咁我講到咁，今次就梗係唔係嚟茶記食常餐咁簡單。夜晚嚟到，見呢度都爆晒，枱枱都喺度嘆緊一鍋嘢，原來呢度個個都係嚟打邊爐。朋友夾我嚟，係食呢間餐廳嘅「馳名醉雞鍋」，我哋叫咗 $220 嘅「大雞」，送碟「生菜」 。
咁啲雞都幾好，大 size 嚟講都幾多肉。個湯都幾重醉雞味，雖然同自己食過嘅最濃版本有一段距離，但係呢個其實已經相當唔錯。我哋仲叫咗碟 $128 嘅「美國安格斯肩胛肥牛」，得幾片，不過質素唔錯，唔會話好唔抵咁。
其他火鍋配料方面，每樣嘢都有自己價錢，不過原來可以雙拼，有啲款 $50，有啲款 $60，我哋叫咗兩次都係 $60 嘅。分別係「自家雲吞拼魚皮餃」同埋「水魷魚拼鵝腸」，個雲呑同鵝腸都幾好，其他兩款都正常唔差。
佢哋始終係茶餐廳，可以用 $19 叫茶記嘢飲，我哋各叫咗一杯「凍檸茶」，飲住茶記飲品打邊爐都好特別。之後仲用各 $16 叫咗「可樂」兩罐同「可樂 Zero」，咁樣夾夾埋埋就 $554，原來冇加一喎，咁就抵食咗，好似打咗折咁。。。
（地址：上水馬會道160號地下）
張貼
