影片
更多
2025-02-09
5 瀏覽
【南區】【Table】好耐之前呢間嘢出現咗單經典事件，我點都要嚟支持吓。但係由於佢實在太受歡迎，我頭幾次去到見佢都係要排隊嘅。咁大家都知我食嘢就真係唔會排隊，所以就拖到好耐之後先有機會同美女朋友去食早餐。佢叫咗 $40 嘅「經典火腿通粉」配餐肉、雞蛋。佢仲加 $3 轉多士，味道方面佢就話正正常常。而嘢飲方面佢就飲「熱奶茶」，佢對熱奶茶嘅要求好高，佢都覺得呢杯 okay 嘅。而我就食 $46 嘅「煎焗百里香雞扒」，配嫩滑炒蛋同香草豬肉腸同北海道男爵薯餅，正常水準啦，杯「茶走」就係有茶記水準嘅。呢餐 $89 食完唔代表啲乜，既然佢係港式茶餐廳咁款，喺下午茶時段就走去食埋佢個 $40 嘅「花生醬西多士」，唔係厚多，不過塊方包索晒啲蛋汁再落去炸真係好鬼正。啲花生醬都係用粗粒嘅，有啲嘢嚼吓咁。餐飲我揀「朱古力走」，好飲嘅，係甜絲絲嘅。。。（地址：黃竹坑香葉道11號THE SOUTHSIDE LG樓LG03號舖）
佢仲加 $3 轉多士，味道方面佢就話正正常常。而嘢飲方面佢就飲「熱奶茶」，佢對熱奶茶嘅要求好高，佢都覺得呢杯 okay 嘅。而我就食 $46 嘅「煎焗百里香雞扒」，配嫩滑炒蛋同香草豬肉腸同北海道男爵薯餅，正常水準啦，杯「茶走」就係有茶記水準嘅。
呢餐 $89 食完唔代表啲乜，既然佢係港式茶餐廳咁款，喺下午茶時段就走去食埋佢個 $40 嘅「花生醬西多士」，唔係厚多，不過塊方包索晒啲蛋汁再落去炸真係好鬼正。啲花生醬都係用粗粒嘅，有啲嘢嚼吓咁。餐飲我揀「朱古力走」，好飲嘅，係甜絲絲嘅。。。
（地址：黃竹坑香葉道11號THE SOUTHSIDE LG樓LG03號舖）
張貼
