影片
更多
2022-10-08
535 瀏覽
上環返工一定點都有食過呢間特色冰室，由古董街行上半山，遠處就已經見到一間藍色小屋，內外都會貼有大量名人介紹同簽名。我每次都係午餐時段過去，而幾乎每次餐廳都係坐爆人，所以平時決定食南洋我都會預早少少時間出門。大部份菜式都保留咗香港冰室特色，好似常餐系列咁好多都會連同炒蛋同多士，但同時主菜都係會配搭返東南亞菜式例如香茅豬扒、海南雞等等。———————————————🌟蒜香牛油雞翼常餐 $58 個人認為呢個簡直可以稱之為南洋招牌菜，雞翼上鋪咗大量炸蒜蓉，未食就已經聞到陣陣蒜蓉香。雞翼外皮同蒜蓉都炸至金黃色，咬落去嘅時候外皮非常香脆，新鮮炸上嚟肉質嫩滑，推薦大家一定要叫蒜香牛油雞翼，如果想試其他套餐加$16蚊都可以加兩隻雞翼㗎！.🌟海南雞脾／雞翼飯套餐 $68整個擺盤嚟講我覺得佢係青瓜方面稍為遜色，好多相對出名海南雞嘅商店都會用生青瓜，顏色會相對鮮豔啲同比較容易引起食慾。但海南雞味道本身其實唔差，雞肉唔會太多脂肪，肉質亦夠滑嫩。.🌟冬蔭功牛柳粒金邊粉套餐 $88冬蔭功金邊粉一邊都會同主菜分開上，湯底味道濃郁，雖然唔算係好正宗果種冬蔭功，但食落都一樣好好食，呢隻相對會稍為酸少少唔太辣，湯底本身除
———————————————
🌟蒜香牛油雞翼常餐 $58
個人認為呢個簡直可以稱之為南洋招牌菜，雞翼上鋪咗大量炸蒜蓉，未食就已經聞到陣陣蒜蓉香。雞翼外皮同蒜蓉都炸至金黃色，咬落去嘅時候外皮非常香脆，新鮮炸上嚟肉質嫩滑，推薦大家一定要叫蒜香牛油雞翼，如果想試其他套餐加$16蚊都可以加兩隻雞翼㗎！
.
🌟海南雞脾／雞翼飯套餐 $68
整個擺盤嚟講我覺得佢係青瓜方面稍為遜色，好多相對出名海南雞嘅商店都會用生青瓜，顏色會相對鮮豔啲同比較容易引起食慾。但海南雞味道本身其實唔差，雞肉唔會太多脂肪，肉質亦夠滑嫩。
.
🌟冬蔭功牛柳粒金邊粉套餐 $88
冬蔭功金邊粉一邊都會同主菜分開上，湯底味道濃郁，雖然唔算係好正宗果種冬蔭功，但食落都一樣好好食，呢隻相對會稍為酸少少唔太辣，湯底本身除左調味用嘅配料外亦會有豆卜同生菜，呢個價錢嚟講都算係落足料！而牛柳味道就偏鹹少少，入面亦都有四季豆、豆卜、廿筍等材料，味道唔係話好特別，都係正常嘅牛柳粒菜式。
.
🔶整體評價🔶
整體性價比其實都ok，每個套餐都會包飲品，大家有興趣都可以加錢嘗試佢嘅特色飲品。味道上亦都唔錯，係諗午餐時必然會回頭嘅選擇。但要留意返佢平日嘅營業時間都係開到晏就5點，只有星期五至日會開到夜晚8點，所以最好都係預晏就嘅時間過去食午餐。
.
🔸味道：7/10
🔸環境：6/10
🔸服務：6/10
🔸打卡指數：5/10
———————————————
🍽️榮華南洋冰室
📍上環差館上街1A號地下
G/F, 1A Upper Station Street, Sheung Wan
———————————————
👉🏻#hkchiller美食地圖_上環
👉🏻#hkchiller午餐推介
👉🏻#hkchiller東南亞菜
張貼
