家．啡 (已結業)

喺大美督蘆慈田村嘅一間cafe，通常踩單車先會入去坐一坐，因為嗰度嘅環境真係好舒服，內外有種植花草，但唔知係咪位置有啲偏遠，電話嘅Signal 都收得比較差，咁都好嘅，可以靜一靜遠離煩囂。「日本士多啤梨芝士蛋糕」賣相不錯，打卡一流，但味道還好，單吃士多啤梨就麻麻，因為帶酸，餅底唔太濕，蛋糕芝士味偏淡，不過果醬嘅甜味及其中嘅果肉為呢個蛋糕加返唔少分。「Orange Flavour Coffee」1杯咖啡 + 1杯Soda，嘗試完原味嘅咖啡感覺橙味偏濃帶苦，類似都橙皮嘅味道，咖啡味被橙味遮蓋；隨後加入Soda後，除苦味變淡，亦令咖啡增加了多一層次。如果大家想Hea 下，記得Book 位，否則有機會去到無位。