影片
更多
2024-12-11
0 瀏覽
📅2024-10-28🥢瀛豐放題料理專門店 @yingfeng_food 📍銅鑼灣駱克道491-499號京都廣場10樓-🤤味道評分：7.5/10📷賣相評分：8/10🏞環境評分：8/10🤵🏻服務評分：7.5/10😍回頭指數：7.5/10💰人均價錢：$550-呢度放題豐儉由人，可以隨自己喜好加購，是日加左$148升級咗凍海鮮任食，包括海螺、凍蝦、蟹腳、鮑魚、仲有魚子醬，另外包埋海膽帶子任食！魚子醬以原盒呈上，帶有鹹香味同陣陣芝士味，質素唔錯；譏燒鮑魚有誠意，軟腍又入味；帶子超厚身，配埋海膽鮮味十足。刺身款式都幾多包括有三文魚魚腩、吞拿魚、希靈魚、珍寶赤蝦、八爪魚等，刺身款款都好厚身。最驚喜嘅係希靈魚，完全冇腥味，係食過最好食嘅希靈魚；珍寶赤蝦好粗又多膏，膠質好豐富。正值大閘蟹季節，餐廳仲有得以$499 加購大閘蟹放題，lunch 時段黎就最抵，可以食足三個鏡。大閘蟹隻隻都有手掌咁大，真係足四兩！是日食到嘅都係蟹公，有黏唇嘅白膏又有質感軟滑嘅蟹膏，放題有呢個質素真係唔講得笑。熟食方面有唔少中日泰式料理，當中主打泰式料理，例如泰式酸辣手撕雞、泰式燒羊腩、泰式肉碎生菜包、蝦餅魚餅、飛天炒通菜、炒
🥢瀛豐放題料理專門店 @yingfeng_food
📍銅鑼灣駱克道491-499號京都廣場10樓
-
🤤味道評分：7.5/10
📷賣相評分：8/10
🏞環境評分：8/10
🤵🏻服務評分：7.5/10
😍回頭指數：7.5/10
💰人均價錢：$550
-
呢度放題豐儉由人，可以隨自己喜好加購，是日加左$148升級咗凍海鮮任食，包括海螺、凍蝦、蟹腳、鮑魚、仲有魚子醬，另外包埋海膽帶子任食！
魚子醬以原盒呈上，帶有鹹香味同陣陣芝士味，質素唔錯；譏燒鮑魚有誠意，軟腍又入味；帶子超厚身，配埋海膽鮮味十足。
刺身款式都幾多包括有三文魚魚腩、吞拿魚、希靈魚、珍寶赤蝦、八爪魚等，刺身款款都好厚身。最驚喜嘅係希靈魚，完全冇腥味，係食過最好食嘅希靈魚；珍寶赤蝦好粗又多膏，膠質好豐富。
正值大閘蟹季節，餐廳仲有得以$499 加購大閘蟹放題，lunch 時段黎就最抵，可以食足三個鏡。大閘蟹隻隻都有手掌咁大，真係足四兩！是日食到嘅都係蟹公，有黏唇嘅白膏又有質感軟滑嘅蟹膏，放題有呢個質素真係唔講得笑。
熟食方面有唔少中日泰式料理，當中主打泰式料理，例如泰式酸辣手撕雞、泰式燒羊腩、泰式肉碎生菜包、蝦餅魚餅、飛天炒通菜、炒金邊粉，個人最推燒羊腩，外皮香脆，羊腩略帶羊羶味，質感軟腍。
一入門口就有個甜品櫃，款款都的的骰骰，可以試曬咁多種口味；飲品櫃有四大個，幾多特別飲品，升級左仲可似任飲Hoegaarden或者Stella。-
#soso_foodie2024 #soso_hk2024 #soso_200至400元 #soso_400至800元 #大閘蟹 #放題
想睇同區食店介紹？可以參考👇🏻👇🏻
#soso_香港島 #soso_銅鑼灣
想睇同類食物介紹？可以參考👇🏻👇🏻
#soso_日式 #soso_甜品 #soso_海鮮
張貼
