影片
更多
2021-04-18
161 瀏覽
雖然成日笑啲媒體用隱世呢個字，但係今次呢間餐廳絕對受之無愧，甚至可以話我一直都唔知道原來呢幢大廈有地庫之餘仲有間咁大嘅餐廳。之前講起印尼菜，我一直都只係會諗到印尼撈麵。所以今次諗住試新野，睇吓印尼賽仲有啲咩嘢食，就比我搵到銅鑼灣呢一間喺印尼小食店樓下嘅餐廳。首先叫嘅係巴東牛肉雜錦飯，一碟飯有齊晒前菜蝦片、主食巴東牛肉、蔬菜蘿蔔同四季豆、配菜豆卜等等，絕對抵食。最特別嘅位係，巴東牛肉本身有一種辣（一食落口即刻感受到嘅辣味），而幾款配菜亦各自有不同層次嘅辣，好似食落去甜甜地然後慢慢越嚟越辣，或者少少麻辣嘅感覺等等，用唔同嘅方法去刺激味蕾。再嚟叫咗個印尼酥炸豆腐，因為我同朋友都好鍾意食豆腐，所以叫咗呢個做小食。炸得來豆腐又唔會太油膩，同時餐廳非常照顧無辣不歡朋友，亦都附上辣醬。然後神奇嘅事就發生啦，成本Menu有一版零零舍舍冇中英文翻譯，只有印尼文，但係又大大隻龍蝦後面包住啲嘢，令到我同朋友都非常好奇。問到侍應嘅時候，先知道原來係印尼牛丸，不過逢星期日就會俾人清晒貨非常受歡迎。本身諗住龍蝦頭應該係gimmick，應該只係得個頭，點知嚟到嘅時候非常驚喜，佢基本上係原隻龍蝦，後面再包住著名嘅印尼
之前講起印尼菜，我一直都只係會諗到印尼撈麵。所以今次諗住試新野，睇吓印尼賽仲有啲咩嘢食，就比我搵到銅鑼灣呢一間喺印尼小食店樓下嘅餐廳。
巴東牛肉雜錦飯
11 瀏覽
0 讚好
0 留言
首先叫嘅係巴東牛肉雜錦飯，一碟飯有齊晒前菜蝦片、主食巴東牛肉、蔬菜蘿蔔同四季豆、配菜豆卜等等，絕對抵食。最特別嘅位係，巴東牛肉本身有一種辣（一食落口即刻感受到嘅辣味），而幾款配菜亦各自有不同層次嘅辣，好似食落去甜甜地然後慢慢越嚟越辣，或者少少麻辣嘅感覺等等，用唔同嘅方法去刺激味蕾。
印尼酥炸豆腐
7 瀏覽
0 讚好
0 留言
再嚟叫咗個印尼酥炸豆腐，因為我同朋友都好鍾意食豆腐，所以叫咗呢個做小食。炸得來豆腐又唔會太油膩，同時餐廳非常照顧無辣不歡朋友，亦都附上辣醬。
然後神奇嘅事就發生啦，成本Menu有一版零零舍舍冇中英文翻譯，只有印尼文，但係又大大隻龍蝦後面包住啲嘢，令到我同朋友都非常好奇。問到侍應嘅時候，先知道原來係印尼牛丸，不過逢星期日就會俾人清晒貨非常受歡迎。
本身諗住龍蝦頭應該係gimmick，應該只係得個頭，點知嚟到嘅時候非常驚喜，佢基本上係原隻龍蝦，後面再包住著名嘅印尼牛丸。
龍蝦印尼牛丸麵
36 瀏覽
0 讚好
0 留言
龍蝦本身啖啖肉之餘牛丸亦有濃濃嘅牛肉味，再配合埋公仔麵底，絕對係一個令人滿足嘅晚餐。
如果鍾意食辣亦都可以加上辣醬，令到成碗麵再香啲惹味啲。
通菜
9 瀏覽
0 讚好
0 留言
最後叫咗一碟通菜，係成餐唯一唔辣嘅菜式。雖然普通，但係都炒得好好，通菜稔晒之餘又唔會炒得太老。
椰青
11 瀏覽
0 讚好
0 留言
成晚咁多辣野，當然要叫啲凍嘢飲舒緩下啦。朋友就叫咗個椰青，鮮甜得來最後又可以食下椰子肉。
蜜瓜絲冰
6 瀏覽
0 讚好
0 留言
我就叫咗個蜜瓜絲冰，甜甜記得嚟又真蜜瓜肉。
張貼
