影片
更多
2023-12-30
109 瀏覽
呢間餐廳睇落以為係一般西餐，但食落就會發現食物水準都唔錯，有少少似高級餐廳嘅體驗，二人餐$698/set都非常豐富，包三份前菜、一份主菜同甜品，另外仲有個免費贈送嘅芥末八爪魚餐前小食都唔錯。———————————————🌟招牌生牛肉他他有半凝結狀態嘅蛋黃係面頭，撈埋一齊食蛋味唔算好重，至於牛肉味道唔錯，不過洋蔥落得比較重手所以以洋蔥味為主，但不得不讚個麵包真心好好食，味道有少少帶甜同埋口感好軟熟。.🌟香煎慢煮八爪魚超大條八爪魚，口感好彈牙，調味上偏咸少少但作為前菜味道剛剛好。醬汁方面配有墨汁同蟹膏醬，充滿海鮮嘅風味。.🌟香烤胡椒蟹肉餅熱辣辣上面頭淋有蟹膏醬，外脆內軟，入面充滿蟹肉，食落去第一下就會覺得真係好好味，而且加埋胡椒非常香口。.🌟招牌西班牙海鮮炒飯同平時食開會有少少唔一樣，飯粒由魚湯熬製，飯粒唔係乾身但粒粒都好有咬口，海鮮材料方面有少少混合日式做法，加有日本左口魚裙邊、三文魚籽、魷魚同蝦，特夠稱讚三文魚籽真係令成個炒飯鮮味昇華。.🌟煙靭之選煙靭之選所指係西班牙油條配日式蕨缾，真心好煙韌，西班牙油條熱辣辣面頭灑有玉桂同糖份，加上朱古力醬味道一流。日式蕨缾方面就綠茶同黃豆粉各兩件，
呢間餐廳睇落以為係一般西餐，但食落就會發現食物水準都唔錯，有少少似高級餐廳嘅體驗，二人餐$698/set都非常豐富，包三份前菜、一份主菜同甜品，另外仲有個免費贈送嘅芥末八爪魚餐前小食都唔錯。
———————————————
🌟招牌生牛肉他他
有半凝結狀態嘅蛋黃係面頭，撈埋一齊食蛋味唔算好重，至於牛肉味道唔錯，不過洋蔥落得比較重手所以以洋蔥味為主，但不得不讚個麵包真心好好食，味道有少少帶甜同埋口感好軟熟。
.
🌟香煎慢煮八爪魚
超大條八爪魚，口感好彈牙，調味上偏咸少少但作為前菜味道剛剛好。醬汁方面配有墨汁同蟹膏醬，充滿海鮮嘅風味。
.
🌟香烤胡椒蟹肉餅
熱辣辣上面頭淋有蟹膏醬，外脆內軟，入面充滿蟹肉，食落去第一下就會覺得真係好好味，而且加埋胡椒非常香口。
.
🌟招牌西班牙海鮮炒飯
同平時食開會有少少唔一樣，飯粒由魚湯熬製，飯粒唔係乾身但粒粒都好有咬口，海鮮材料方面有少少混合日式做法，加有日本左口魚裙邊、三文魚籽、魷魚同蝦，特夠稱讚三文魚籽真係令成個炒飯鮮味昇華。
.
🌟煙靭之選
煙靭之選所指係西班牙油條配日式蕨缾，真心好煙韌，西班牙油條熱辣辣面頭灑有玉桂同糖份，加上朱古力醬味道一流。日式蕨缾方面就綠茶同黃豆粉各兩件，唔太甜咬落亦都夠煙韌。
.
🌟抹茶麻糬鮮奶
甜度適中，不過奶味偶往，如果茶味再濃少少就更好。
.
🌟熱情的蘋果特飲
整體感覺酸酸甜甜，不錯。
張貼
