C+ Burger (已結業)

今日去香港大學開會，在第三街食了一間小店專做漢堡。落單俾錢收貨在一邊，另一邊小 bar 檯，得4張圓櫈，坐街邊食。漢堡即叫即煎，預左要等 10-15分鐘。叫了一個雙層牛肉漢堡，因為我好鍾意食牛。平時都會去吉之島買芝士和牛漢堡煎來食。睇著廚師煎，焗熱個包，感覺很 raw。我買包時有3位客人食緊。一邊等，一邊有街坊來叫外賣。漢堡煎得很香，肉質有咬口，多汁。包是熱和微微脆皮。加$18 有薯條和汽水。薯條也是即炸，熱辣辣。記得小時候食大排檔也是在街邊，以前的衛生環境不理想，但回憶裡的食物總是又香又美味。