影片
更多
2023-07-01
112 瀏覽
【大埔區】【HI TEA】走到入嚟大埔嘅大明里，已經唔係好知食咩好。好似想食或者有興趣食嘅都已經食過晒，剩返嘅就可能真係冇乜機會會食嗰啲，令我好苦惱。之但係一場嚟到，又真係冇乜理由餓住個肚咁走，求其搵啲嘢食吓寫吓嘢都要啦。見到呢間好似係開咗冇耐嘅疑似西餐廳，感覺有啲似高級少少嘅茶餐廳咁，睇個餐廳名就更加係似啲茶飲店。不過裡面都幾多人，咁啱有枱卡位客走咗我先有得一條友獨霸卡位咁爽。坐低叫嘢食，佢哋係用 QR Code 點餐嘅。叫咗個 $68 嘅「原條魚柳包」配薯條，佢嗰條炸魚柳當然就冇柴灣澤記嗰條咁誇張，不過都算可以嘅，至少普通漢堡包都冚唔晒。啲薯條得鋪油同熱氣，老實講都幾難食吓，結果我係好難得地食唔晒啲嘢，放低咗啲薯條。杯「熱奶茶」反而幾好飲，茶記中上水準。另外見佢有龍蝦系列，就花 $28 叫個「濃蝦湯」，結果有啲失望，係麥當勞都不如嘅。再用 $21 叫個「原味芝士蛋糕」，細件到我第一吓都打咗個突。反正冇下次，唔理幾多錢了。。。（地址：大埔大明里20號儲金閣12-20號地下A號舖）#1amfoodie #foodie #hkfoodie #thatfoodiething #hkfood
見到呢間好似係開咗冇耐嘅疑似西餐廳，感覺有啲似高級少少嘅茶餐廳咁，睇個餐廳名就更加係似啲茶飲店。不過裡面都幾多人，咁啱有枱卡位客走咗我先有得一條友獨霸卡位咁爽。坐低叫嘢食，佢哋係用 QR Code 點餐嘅。
叫咗個 $68 嘅「原條魚柳包」配薯條，佢嗰條炸魚柳當然就冇柴灣澤記嗰條咁誇張，不過都算可以嘅，至少普通漢堡包都冚唔晒。啲薯條得鋪油同熱氣，老實講都幾難食吓，結果我係好難得地食唔晒啲嘢，放低咗啲薯條。
杯「熱奶茶」反而幾好飲，茶記中上水準。另外見佢有龍蝦系列，就花 $28 叫個「濃蝦湯」，結果有啲失望，係麥當勞都不如嘅。再用 $21 叫個「原味芝士蛋糕」，細件到我第一吓都打咗個突。反正冇下次，唔理幾多錢了。。。
（地址：大埔大明里20號儲金閣12-20號地下A號舖）
#1amfoodie #foodie #hkfoodie #thatfoodiething #hkfood #food #instafood #yummy #foodlover #foodies #globaleats #followforfollowback #love #eat #1am大埔區 #大埔 #大埔墟 #hitea #茶舍 #原條魚柳包配薯條 #熱奶茶 #濃蝦湯 #原味芝士蛋糕 #1am1067 #1ambackup
張貼
