皇庭匯 (已結業)

家人搵到呢間抵食嘅酒樓，我地食個晚係星期六，如果係平日，仲有一個抵食套餐，希望有機會去食然後介紹番。7點幾到未算多人，環境寬敞，近8點開始人流多。好多選擇，我地人唔多，叫四個餸都好夠飽。先係手快有手慢無嘅冬瓜盅，88元好大個，啱哂夏天叫黎食，清甜解渴，有啖湯水飲下，幾好，味道偏濃，但可以接受。小炒皇，韮菜蝦米蝦仁腰果魷魚炒成，幾夠鑊氣，配飯係一流。廣島蠔，家人喜歡食，正常味道，98元還不錯。突然好想食伊麵，好大碟，我地4個有突，可以有10碗，呢碟要108元。呢條清蒸海班都係28元！超值，肉算嫩，4個人每人都食到好多。我地仲叫左甜品布甸同香芋，只係口痕，普通啲，可以唔叫。每人大概百三元，算係咁。