天吉屋 (已結業)

🔖 次次嚟都朗豪坊，行到上11樓都會見到一條長龍，而人龍就係喺天吉屋出邊，咁多人排一定有佢嘅吸引之處，同樣地驅使我嘗試呢間日本過江龍 💬天吉丼 $128天吉係店入邊嘅王牌招牌菜丼，天婦羅包含黑虎蝦、石斑魚配紫蘇葉、軟殼蟹、魷魚、雞肉、南瓜、四季豆、溫泉蛋以及其他雜錦炸物，全部天婦羅香脆可口，炸皮夠薄，唔會比炸皮因為太厚而影響入邊嘅材料口感。如果想多飯嘅話，可以order時吩咐多飯，天婦羅配送白飯真係一絕，多多白飯都唔夠呢！💬天吉雙品 $118叫天吉雙品首先可以烏冬二選一，包括冷食嘅稻庭烏冬同埋熱食嘅讚岐烏冬，天婦炸物方面有洋蔥同櫻花蝦炸物、黑虎蝦、茄子、四季豆以及溫泉蛋，冷食嘅稻庭烏冬加埋佢嘅Wasabi，食落爽口彈牙，再浸落去嘅湯食，味道一流。