影片
更多
2023-07-05
481 瀏覽
晚上嚟到位於天后嘅Mustard Bar & Grill，有西餐同埋唔同嘅酒類供應，餐廳有室內用餐區域同埋兩個露台花園用，室內以棕色作為主調，柔和燈光充滿氣氛，室內卡位仲有好大嘅空間，仲有一個金屬網簾可以拉埋，私隱度高，餐廳亦係寵物友善餐廳，大家可以帶埋寵物去到餐廳內用餐。U.S. Ribeye牛扒用上美國Prime Grade肉眼扒，肉質同脂肪分佈都係最好，烤至七成熟，火候控制得唔錯，肉質嫩滑，口感軟腍，油香味重而且肉味濃郁，好有肉汁，外層烤有格仔坑紋，並且烤至惹味可口，調味一流，切開塊肉眼扒內裏呈現出粉紅色，另外可以配上醬汁享用，令味道多種層次。Homemade Fat Chips薯仔用上美國頂級薯仔，份量好多，比一般嘅薯角體積更大，外層炸至香口惹味，薯仔皮有脆口嘅感覺，味道鹹香十足，內裏口感鬆軟，薯仔味濃，加埋乳酪醬嚟食唔錯，不愧為店員推介小食之一。Onion Rings洋蔥圈份量好多，新鮮即炸熱辣辣，外層脆皮夠薄，香脆可口，內裏洋蔥味道清甜，配上香濃惹味嘅BBQ醬嚟食好夾。Garlic Shrimp西班牙傳統蒜片蝦菜色，蝦肉用上橄欖油同去蒜片烤焗好香，蝦肉肉質爽口彈牙，食得出蝦
晚上嚟到位於天后嘅Mustard Bar & Grill，有西餐同埋唔同嘅酒類供應，餐廳有室內用餐區域同埋兩個露台花園用，室內以棕色作為主調，柔和燈光充滿氣氛，室內卡位仲有好大嘅空間，仲有一個金屬網簾可以拉埋，私隱度高，餐廳亦係寵物友善餐廳，大家可以帶埋寵物去到餐廳內用餐。
U.S. Ribeye
牛扒用上美國Prime Grade肉眼扒，肉質同脂肪分佈都係最好，烤至七成熟，火候控制得唔錯，肉質嫩滑，口感軟腍，油香味重而且肉味濃郁，好有肉汁，外層烤有格仔坑紋，並且烤至惹味可口，調味一流，切開塊肉眼扒內裏呈現出粉紅色，另外可以配上醬汁享用，令味道多種層次。
Homemade Fat Chips
薯仔用上美國頂級薯仔，份量好多，比一般嘅薯角體積更大，外層炸至香口惹味，薯仔皮有脆口嘅感覺，味道鹹香十足，內裏口感鬆軟，薯仔味濃，加埋乳酪醬嚟食唔錯，不愧為店員推介小食之一。
Onion Rings
洋蔥圈份量好多，新鮮即炸熱辣辣，外層脆皮夠薄，香脆可口，內裏洋蔥味道清甜，配上香濃惹味嘅BBQ醬嚟食好夾。
Garlic Shrimp
西班牙傳統蒜片蝦菜色，蝦肉用上橄欖油同去蒜片烤焗好香，蝦肉肉質爽口彈牙，食得出蝦肉嘅鮮味。
Creme Brulee
法式抹茶焦糖布甸，表面有一層脆脆焦糖，布甸抹茶味香醇，口感好滑，面頭嘅焦糖加埋布甸一齊食好有口感。
Apple Juice
純果汁純天然蘋果味道，味道微甜而不膩，最適合而家炎炎夏日飲，好解渴。
張貼
