上海婆婆 (新都城中心) (已結業)

新年成班人出黎飲茶，間間茶樓一早拎飛都要等好耐，友人就諗到去上海婆婆，好快就有位。呢間裝修環境都唔錯，我地佔位有10個，坐長枱。係，我地承認真係好肚餓，呢間嘅質素真係唔錯，個個都大讚好味（當然肚餓都會影響）。粗炒香口，夠哂味。酸酸甜甜嘅骨，我最愛。好邪惡嘅四季頭，每條都有鹹蛋黃，當然滋味無窮。小龍包，多湯，皮剛剛好，好食！賽磅蟹不過不失，佢係水小小，可以接受。鍋貼好有咬感，肉汁衝出黎。鱔，朋友話好味。蔥餅，幾特別，係内裡包住滿滿嘅蔥，好香。仲有其他前菜，我地都食到津津有味。唯我地多人唔係圓枱，比較難傾到計，有啲未夠喉。