影片
更多
2023-12-19
71 瀏覽
【小城大廚🧑🏻🍳｜觀塘親民中菜之選😋】觀塘日與夜往往有著幾唔同嘅感覺，日頭大家都匆匆忙忙為事業拼搏，到咗晚上氣氛比較輕鬆，好想開懷放盡咁食個晚餐。今次我同朋友嚟到「小城大廚」賀一賀佢事業又發展多一步，呢間嘅任食火鍋好抵食，不過今晚想食輕鬆小菜！食咗咩？🥢黑醋木耳和潮洲花生作為前菜，佢哋都比預期中大碟，黑木耳酸酸微辣，開胃醒神。花生爽口惹味，具追吃性，一不留神就會一粒接一粒狂食。..🥢冰鎮脆皮咕嚕肉12月都仲穿緊短袖衫，冬日繼續挑戰冰鎮咕嚕肉！冰鎮咕嚕肉顧名思義，以碎冰墊底，再放上咕嚕肉、菠蘿藍莓椰果，比啲耐性讓咕嚕肉被冰雪凍就有脆皮口感效果，外脆內軟酸酸甜甜，係幾得意喎！..🥢豉椒炒蜆心血來潮經典小菜，夠晒惹味，每粒蜆都有蜆肉，蜆肉仲幾肥美保留住鮮味。..🥢蜜椒薯仔安格斯牛柳粒薯仔先炸後用蜜糖封身，蜜味濃之餘仲有份香脆口感，薯仔好香，出奇地與三色椒和安格斯牛柳粒夾到，安格斯牛柳出名牛味香濃高質，完全無失望。..🥢瑤柱扒豆苗用燭台碟保持豆苗溫度，豆苗當時得令是合時嘅蔬菜，冬天食特別好味，再蓋上厚厚一層瑤柱金菇絲，暖暖香甜咁，好窩心呢！兩個人戰鬥力有限，邊傾邊食總算完成使命！下次想嚟打邊
觀塘日與夜往往有著幾唔同嘅感覺，日頭大家都匆匆忙忙為事業拼搏，到咗晚上氣氛比較輕鬆，好想開懷放盡咁食個晚餐。
今次我同朋友嚟到「小城大廚」賀一賀佢事業又發展多一步，呢間嘅任食火鍋好抵食，不過今晚想食輕鬆小菜！
食咗咩？
🥢黑醋木耳和潮洲花生
作為前菜，佢哋都比預期中大碟，黑木耳酸酸微辣，開胃醒神。花生爽口惹味，具追吃性，一不留神就會一粒接一粒狂食。
.
.
🥢冰鎮脆皮咕嚕肉
12月都仲穿緊短袖衫，冬日繼續挑戰冰鎮咕嚕肉！冰鎮咕嚕肉顧名思義，以碎冰墊底，再放上咕嚕肉、菠蘿藍莓椰果，比啲耐性讓咕嚕肉被冰雪凍就有脆皮口感效果，外脆內軟酸酸甜甜，係幾得意喎！
.
.
🥢豉椒炒蜆
心血來潮經典小菜，夠晒惹味，每粒蜆都有蜆肉，蜆肉仲幾肥美保留住鮮味。
.
.
🥢蜜椒薯仔安格斯牛柳粒
薯仔先炸後用蜜糖封身，蜜味濃之餘仲有份香脆口感，薯仔好香，出奇地與三色椒和安格斯牛柳粒夾到，安格斯牛柳出名牛味香濃高質，完全無失望。
.
.
🥢瑤柱扒豆苗
用燭台碟保持豆苗溫度，豆苗當時得令是合時嘅蔬菜，冬天食特別好味，再蓋上厚厚一層瑤柱金菇絲，暖暖香甜咁，好窩心呢！
兩個人戰鬥力有限，邊傾邊食總算完成使命！下次想嚟打邊爐啊！唔知老闆娘會唔會奉陪！
🧑🏻🍳小城大廚 (觀塘)
📍觀塘成業街19-21號成業工業大廈地下3號
#觀塘美食 #小城大廚 #好食 #豆苗好味
張貼
