影片
更多
2024-07-05
66 瀏覽
平時我都成日食串燒，但主要都係港式串燒為主，今日男朋友就帶咗我去呢間由日本師傅主理的串燒店，試吓同平時嘅有咩分別餐廳位置唔算太多坐位（因為主要得日本師傅一個人燒，所以需時都比較耐少少）但唔會同隔離枱相距太近，而且可以望到師傅係你面前即刻燒，視覺享受😎我叫了一個師傅精選套餐$480，分別有前菜、串燒10串、主菜一款和雪糕首先會食個前菜，味道偏濃，很適合配酒一齊食（不過我今次就冇飲酒）但都唔會覺得太濃味然後就會開始食串燒，日本師傅會係你面前即燒，就算我當日去到都有唔少客人，但師傅都燒得好快，唔需要等太耐，而且師傅會因應返客人進食的速度去調整，唔會一下子燒完俾你，等你每次食嘅時候都係剛剛燒好最好的狀態雞翼推薦指數🗯️：🌟🌟🌟🌟雞皮燒到好香脆，但中間仲保持到，唔會太乾太柴柚子醬雞胸肉推薦指數🗯️：🌟🌟🌟🌟我起初以為雞胸肉會好柴，但食落又唔會，而柚子醬係分開俾你，所以可以俾你自己調整，我個人一般般，但係我男朋友超鍾意食😂果然口味都好見仁見智雞腎推薦指數🗯️：🌟🌟🌟🌟食落好爽脆，而師傅調味剛剛好，冇我擔心嗰種內臟嘅腥味雞髀肉推薦指數🗯️：🌟🌟🌟🌟🌟超級嫩，唔需要太多調味都已經好好食鰻魚推薦指數🗯️：🌟🌟🌟🌟
平時我都成日食串燒，但主要都係港式串燒為主，今日男朋友就帶咗我去呢間由日本師傅主理的串燒店，試吓同平時嘅有咩分別
餐廳位置唔算太多坐位（因為主要得日本師傅一個人燒，所以需時都比較耐少少）但唔會同隔離枱相距太近，而且可以望到師傅係你面前即刻燒，視覺享受😎
我叫了一個師傅精選套餐$480，分別有前菜、串燒10串、主菜一款和雪糕
首先會食個前菜，味道偏濃，很適合配酒一齊食（不過我今次就冇飲酒）但都唔會覺得太濃味
然後就會開始食串燒，日本師傅會係你面前即燒，就算我當日去到都有唔少客人，但師傅都燒得好快，唔需要等太耐，而且師傅會因應返客人進食的速度去調整，唔會一下子燒完俾你，等你每次食嘅時候都係剛剛燒好最好的狀態
雞翼
推薦指數🗯️：🌟🌟🌟🌟
雞皮燒到好香脆，但中間仲保持到，唔會太乾太柴
柚子醬雞胸肉
推薦指數🗯️：🌟🌟🌟🌟
我起初以為雞胸肉會好柴，但食落又唔會，而柚子醬係分開俾你，所以可以俾你自己調整，我個人一般般，但係我男朋友超鍾意食😂果然口味都好見仁見智
雞腎
推薦指數🗯️：🌟🌟🌟🌟
食落好爽脆，而師傅調味剛剛好，冇我擔心嗰種內臟嘅腥味
雞髀肉
推薦指數🗯️：🌟🌟🌟🌟🌟
超級嫩，唔需要太多調味都已經好好食
鰻魚
推薦指數🗯️：🌟🌟🌟🌟
日式串燒可以睇到師傅技術，一定係燒鰻魚，因為需要耐心，唔可以急，魚皮燒到帶點脆，而肉汁鮮嫩，再加上完全吸收晒日式鰻魚汁嘅味道，超正
豚肉紫蘇葉卷
推薦指數🗯️：🌟🌟🌟🌟
其實都食咗幾吋肉類嘅串燒，所以感覺上都有啲油膩，依個雖然都係肉類，但因為中間加咗紫蘇葉，反而可以中和返啲油膩感
和牛野菜
推薦指數🗯️：🌟🌟🌟🌟
咁食完雞肉就到牛肉，牛肉肉質好鮮嫩，而野菜吸收晒牛肉同醬汁味道，食落好惹味，而且配埋隔離嘅芥末醬會更加惹味
秋葵
推薦指數🗯️：🌟🌟🌟🌟
食咗咁多肉類，係時候要食返啲蔬菜中和返，平時我都唔係特別鍾意食秋葵，因為討厭秋葵中間嗰種質感，但燒完嘅秋葵就冇呢個問題，食落乾身爽脆
蘆筍
推薦指數🗯️：🌟🌟🌟🌟
爽脆可口，而且冇草青味
免治雞肉串
推薦指數🗯️：🌟🌟🌟🌟
因為我額外叫咗幾款串燒，所以就同個豚肉糖心蛋一齊上（如有正常就係旁邊跟一隻蛋黃）然後師傅會同你講，先篤穿個糖心蛋，然後用個免治雞肉串點嚟食，令到味道好濃郁，而雞肉串入面有啲軟骨，增加口感，令成件事冇咁單調
豚肉糖心蛋 $50
推薦指數🗯️：🌟🌟🌟🌟🌟
我以為會好滯，但食落剛剛好，原來豚肉配糖心蛋呢個組合都唔錯
和牛沙朗 $70
推薦指數🗯️：🌟🌟🌟🌟
因為個套餐冇乜牛肉，所以就額外嗌咗一串牛肉，肉味相對較濃，不過肉質都係好軟淋
然後我今次主菜就叫咗燒飯團，師傅會係你面前包個飯團，而且外型唔係平時見開嗰啲三角形，食落外層帶點焦香，質感類似飯焦，中間的米飯好軟糯
刺身盛 $200
推薦指數💥：🌝🌝🌝🌝🌚
因為見到今日的魚生都好新鮮，所以忍唔住叫咗一個刺身盛，今日分別係赤羽太、鰺魚、鯛魚（每日都未必一樣，因為師傅係根據食材嘅新鮮去決定）好鮮甜，冇腥味，同埋佢哋除咗醬油之外都會提供酸汁（好傳統嘅做法，因為咁樣先可以食到刺身本身嘅原汁原味）
粟米 $35
推薦指數💥：🌝🌝🌝🌝🌚
食落會有好明顯嘅牛油香，而且帶少少栗米本身嘅甜味
自家製魚餅 $50
推薦指數💥：🌝🌝🌝🌝🌝
其實食咗咁多串燒都已經好飽，不過又好想試吓佢哋嘅小食，所以就叫咗一份魚餅，燒到有少少焦香，而份量剛剛好，唔會太多
荔枝特飲 $55
推薦指數💥：🌝🌝🌝🌝🌚
雖然我冇叫酒飲，但都有叫一杯野飲，因為就咁食好似有啲單調🤣荔枝味都幾濃，但唔會太甜
✨整體來講，不論係環境定係食物質素都非常高質，就算係慶祝都唔會失禮
張貼
