影片
更多
2023-07-17
2108 瀏覽
呢間餐廳真心係留意咗超耐，成日見到朋友仔去佢個特色飛機窗口打卡，今次終於都輪到我喇🥰平時收工都晏，所以幾乎都係8點半食飯，冇諗過原來佢8點半後竟然係有5折有優惠🤯真係超抵———————————————🌟美人魚丹麥多士 $138 (半價 $69)本身就已經一心想食甜品，糾結咗好耐簡邊個，最後都係決定要呢個打卡一流嘅美人魚造型多士，人魚嘅顏色七彩繽紛，再配合果種顏嘅粒粒同脆脆，成個感覺都非常夢幻。另外中間有兩球雪糕，一個係粉紅色嘅士多啤梨味，另一個係七彩顏色嘅雪糕球，味道有啲似綿花糖又有啲似波子汽水咁好特別，但甜度會相對重少少。多士都算大份，而且食落好鬆軟，連埋雪糕食一流。.🌟特級煙三文魚凱撒沙律 $138 (半價 $69)凱撒沙律個醬汁同出面比會多少少，令到成個沙律更好味。蔬菜基本上都好鮮甜，而且三文魚都大大塊幾好食。.🌟卡邦尼意大利粉 $148 (半價 $74)我好欣賞嘅其中一個地方係成個意粉都好熱，一上台就好香，食落個忌廉味道好濃郁，咸度適中。口感方面個意粉煮得啱啱好，再加上creamy嘅醬汁整體都唔錯。.🌟烤肉至尊薄餅 $168 (半價 $84)呢度嘅薄餅係扁果隻，但食落餅底好有
呢間餐廳真心係留意咗超耐，成日見到朋友仔去佢個特色飛機窗口打卡，今次終於都輪到我喇🥰平時收工都晏，所以幾乎都係8點半食飯，冇諗過原來佢8點半後竟然係有5折有優惠🤯真係超抵
———————————————
🌟美人魚丹麥多士 $138 (半價 $69)
本身就已經一心想食甜品，糾結咗好耐簡邊個，最後都係決定要呢個打卡一流嘅美人魚造型多士，人魚嘅顏色七彩繽紛，再配合果種顏嘅粒粒同脆脆，成個感覺都非常夢幻。另外中間有兩球雪糕，一個係粉紅色嘅士多啤梨味，另一個係七彩顏色嘅雪糕球，味道有啲似綿花糖又有啲似波子汽水咁好特別，但甜度會相對重少少。多士都算大份，而且食落好鬆軟，連埋雪糕食一流。
.
🌟特級煙三文魚凱撒沙律 $138 (半價 $69)
凱撒沙律個醬汁同出面比會多少少，令到成個沙律更好味。蔬菜基本上都好鮮甜，而且三文魚都大大塊幾好食。
.
🌟卡邦尼意大利粉 $148 (半價 $74)
我好欣賞嘅其中一個地方係成個意粉都好熱，一上台就好香，食落個忌廉味道好濃郁，咸度適中。口感方面個意粉煮得啱啱好，再加上creamy嘅醬汁整體都唔錯。
.
🌟烤肉至尊薄餅 $168 (半價 $84)
呢度嘅薄餅係扁果隻，但食落餅底好有果種麥味，個人係幾鍾意。面頭多芝士，但烤肉相對比較少，大約每塊pizza會有一粒肉粒係上面，不過整體都係好香好好味。
.
🌟Sparkling Peach $60 (半價 $30)
呢個Sparkling飲品係有少少驚喜，平時唔係好飲有汽飲品，今次係男朋友叫先跟住飲，但個味道冇想像中重汽，同埋桃味都濃，甜度又適中。
.
🔸整體評價🔸
菜式大部份味道都唔錯，仲要8點半有5折優惠，整體服務、環境都係令人舒服滿意，基本上係一定會再回頭幫襯。
張貼
