影片
更多
2024-04-18
320 瀏覽
今次同大家介紹一間尖沙咀酒吧，呢間酒吧我諗大家都唔陌生，有唔少分店同時亦已經在港經營多年。今次約埋幾個朋友過嚟，發現整體食物水準同飲品都唔錯，因為當日係星期三仲有現場音樂表演，成個環境都超有氣氛又唔會太糟，非常適合放工同朋友聚會。———————————————🌟德國炸咸豬手呢個招牌咸豬手真係必試，份量非常大，外皮炸得好脆身而豬肉亦充滿咸香味。肉質方面睇到其實都好粉嫩，咬落都唔會話好硬好乾反而仲有少少Juicy。旁邊仲有提芥末同茄汁可以自行添加，仲有齊沙律同薯條作為配菜。🌟自家製牛肉漢堡牛肉漢堡上台時已經切好曬四份，完全唔洗擔心唔知點食或者食相唔好睇。漢堡入面主要夾有芝士同牛肉漢堡扒，芝士仲有少少拉絲效果，牛肉方面可以見到中間係帶有少少粉嫩，食落牛味重之餘仲夠Juicy。🌟煙三文魚拼盤作為前菜或者送酒都係非常唔錯嘅選擇，煙三文魚都幾大塊有少少檸檬酸，非常開胃。🌟時令生蠔生蠔非常肥美，我呢度6隻其實都係$198，性價比都算幾高。味道上感覺係海水味會比較重，肉質感覺較為柔軟。🌟Lychee Mojito連普通Mojito都整到可以打卡一樣，上面有冰做嘅玻璃碗裝住荔枝，感覺非常華麗。飲落清新得
今次同大家介紹一間尖沙咀酒吧，呢間酒吧我諗大家都唔陌生，有唔少分店同時亦已經在港經營多年。今次約埋幾個朋友過嚟，發現整體食物水準同飲品都唔錯，因為當日係星期三仲有現場音樂表演，成個環境都超有氣氛又唔會太糟，非常適合放工同朋友聚會。
———————————————
🌟德國炸咸豬手
呢個招牌咸豬手真係必試，份量非常大，外皮炸得好脆身而豬肉亦充滿咸香味。肉質方面睇到其實都好粉嫩，咬落都唔會話好硬好乾反而仲有少少Juicy。旁邊仲有提芥末同茄汁可以自行添加，仲有齊沙律同薯條作為配菜。
🌟自家製牛肉漢堡
牛肉漢堡上台時已經切好曬四份，完全唔洗擔心唔知點食或者食相唔好睇。漢堡入面主要夾有芝士同牛肉漢堡扒，芝士仲有少少拉絲效果，牛肉方面可以見到中間係帶有少少粉嫩，食落牛味重之餘仲夠Juicy。
🌟煙三文魚拼盤
作為前菜或者送酒都係非常唔錯嘅選擇，煙三文魚都幾大塊有少少檸檬酸，非常開胃。
🌟時令生蠔
生蠔非常肥美，我呢度6隻其實都係$198，性價比都算幾高。味道上感覺係海水味會比較重，肉質感覺較為柔軟。
🌟Lychee Mojito
連普通Mojito都整到可以打卡一樣，上面有冰做嘅玻璃碗裝住荔枝，感覺非常華麗。飲落清新得嚟又帶少少荔枝味，味道不鉅。
🌟White Sangria
呢杯西班牙水果酒都好足料，一望已經見到入面有滿滿嘅水果，味道飲落有少少酸甜，充滿甜味果香，非常易入口。
🌟White Lady
外型加有鹽邊美感十足，飲落酸甜同時配埋杯邊鹽令到成個口感更有層次。
張貼
