蟹仙海鮮私房．蒸氣石碢 (環海大廈)

營業中

休息中

今日去咗尖沙咀一間叫「蟹仙海鮮私房．蒸氣石碢」嘅餐廳食晚餐，餐廳主打新鮮生猛嘅海鮮。我哋嗌咗每位$449嘅尊貴海鮮套餐，一共有10款時令海鮮，職員會根據海鮮蒸熟所需嘅時間而分批幫忙蒸煮海鮮，每款大概3至8分鐘左右，蒸完套餐入面嘅海鮮之後，海鮮嘅精華會透過蒸架滴入下面嘅粥底，混合豬骨同粟米粒嘅粥底非常鮮甜，食完非常飽肚。最後套餐仲會送糖水，今日嘅是日糖水係椰汁燉血燕，味道唔會太甜，食落有一絲絲嘅血燕，感覺好滋補。🍊加拿大野生海虎蝦蝦肉爽口，食材新鮮，食落有蝦嘅鮮味🍊黃金翡翠螺貝殼呈翠綠色，喺個殼入面挑出嚟嘅螺肉尺寸好大，味道鮮甜，口感肥美🍊台灣九孔鮑魚口感爽口彈牙，蒸得啱啱好，唔會太韌🍊韓國斧山珍珠蠔尺寸唔算太大，蒸完之後唔會有腥味🍊大西洋野生青口喺公海嘅深海捕捉，比起平時食到喺淺水生長嘅青口更加清甜🍊蟹皇大元貝尺寸幾大，配上師傅挑出嚟嘅蟹膏同蟹肉混合而成嘅蟹黃醬，醬汁味道非常濃郁，帶出元貝嘅鮮味🍊野生琵琶龍蝦啖啖蝦肉，口感飽滿，蝦膏味道濃郁🍊罕有藻食綠膏蟹有滿滿嘅蟹膏，食完齒頰留香，蟹鉗嘅蟹肉好飽滿，蟹肉口感軟滑🍊太平洋饅頭蟹饅頭蟹嘅尺寸較細，冇乜蟹膏，蟹鉗蟹腳亦都較細，蟹肉口感較結實