占士牛肉飯有限公司 (已結業)

【屯門區】【占士牛肉飯有限公司】最近講完一次屯門區就不妨一講再講，不過我都係冇去到好入搵嘢食，都係喺市中心附近。然而我都係冇搵定去咩餐廳，見到乜就食乜。上次講到我見到鋸扒嗰間金鳳有喺度開，我又見到佢，正想行入去嗰陣就見到呢間。喺門口見到佢哋賣好多唔同款式嘅飯，我就唔多好食米飯嘅，所以都有搵吓佢哋有冇其他嘢食，結果都係搵唔到。之但係我都冇乜空閒去搵其他嘢食，因此都入去食吓啦，嗰頭嚟講，都小店難求。坐低咗，就用 QR Code 落單。叫個 $46 嘅「占士牛肉飯餐」，主食係招牌菜「占士牛肉飯」，我叫少飯。個汁同啲肉都幾易入口，汁甜甜哋，少少似鹵水汁同瑞士汁，啲肉夠腍，唔錯。另外我加 $25 要咗塊「吉列炸豬扒」，都可以嘅，正常一塊吉烈豬扒咁。個餐仲有嘢飲，我飲「凍檸茶」，都可以嘅。我仲加 $12 要咗隻「溫泉蛋」，撈落個飯度食一流，連埋本身送飯個汁都冇違和感。埋單 $83，喺市中心有呢啲嘢食都唔錯，多個選擇，只係佢競爭都大，希望佢哋繼續努力啦。。。（地址：屯門屯順街1號屯門市廣場1期G樓G073號舖）#1amfoodie #foodie #hkfoodie #thatfoodiething