影片
更多
2023-05-04
319 瀏覽
【屯門區】【燒肉男】有位認識咗一段時間但平時唔多兩句嘅女僕問我屯門有咩食 for 朋友慶生，一臉尷尬嘅我即刻打開 1am屯門區 睇睇，又真係好似冇乜選擇。諗起之前同朋友嚟過一間燒肉店但係最後食唔成，就同佢講，咁講完自己點都要食一次。就係咁樣，夾咗個好日都唔見一次嘅朋友過嚟屯門同我食呢間。佢分咗四款餐，喜、極，再上唔係配而、泣，而係尚、尊，都係晚市放題餐嚟。我哋本身想食第二級嘅極，但係門口阿姐講話尚、尊做緊八折，圍埋差唔多咋喎。因此就要咗「尚」餐，第三級嘅，可能有啲人見到「三級」呢兩個字又爭住衝出嚟受傷，不過都唔理得咁多喇。貴啲嘅呢兩款餐原來仲有「KIRIN 一番搾生啤」同「日本清酒」免費任飲，正喎，後者我有飲，雪凍嗰陣幾夠味。之後有九款肉自動送上，包括「牛頸脊」、「澳洲M6和牛肩胛肉眼」、「日式胸腹肉」、「一口牛柳粒」、「牛舌」、「封門柳」、「牛勒條」、「牛板腱」同「牛小排」，我第一款係試牛頸脊，覺得超好食，吊打其他款式。不過唔知點解，真係淨係嗰碟好食，之後就算再叫返都冇咁好食咁嘅。另外，我覺得牛板腱同封門柳其實都幾好，啲肉嘅特性可能本身都適合做燒肉。小食方面，我特別欣賞「鯛魚燒」同「
就係咁樣，夾咗個好日都唔見一次嘅朋友過嚟屯門同我食呢間。佢分咗四款餐，喜、極，再上唔係配而、泣，而係尚、尊，都係晚市放題餐嚟。我哋本身想食第二級嘅極，但係門口阿姐講話尚、尊做緊八折，圍埋差唔多咋喎。
因此就要咗「尚」餐，第三級嘅，可能有啲人見到「三級」呢兩個字又爭住衝出嚟受傷，不過都唔理得咁多喇。貴啲嘅呢兩款餐原來仲有「KIRIN 一番搾生啤」同「日本清酒」免費任飲，正喎，後者我有飲，雪凍嗰陣幾夠味。
之後有九款肉自動送上，包括「牛頸脊」、「澳洲M6和牛肩胛肉眼」、「日式胸腹肉」、「一口牛柳粒」、「牛舌」、「封門柳」、「牛勒條」、「牛板腱」同「牛小排」，我第一款係試牛頸脊，覺得超好食，吊打其他款式。
不過唔知點解，真係淨係嗰碟好食，之後就算再叫返都冇咁好食咁嘅。另外，我覺得牛板腱同封門柳其實都幾好，啲肉嘅特性可能本身都適合做燒肉。小食方面，我特別欣賞「鯛魚燒」同「炸味玉」，後者即係炸雞蛋。
講到食燒肉就梗係飲酒，但係好似我呢類懦夫咁，一飲就冧，仲有冇其他選擇呢？係有嘅。飲品櫃有近年好興嘅樽仔冷泡茶，佢哋嗰款係「冷泡茉莉」。另外仲有 SOUL FIZ有氣柑桔 / 荔枝汁，朋友勁中意飲，飲到痴咗線咁。
飲飽食醉就梗係叼返個甜品，佢哋有甜品櫃，我有食朱古力慕絲同埋提拉米蘇杯，都 okay 嘅。不過最特別係有牛角包窩夫，我分別試咗「提拉米蘇味」配薄荷朱古力雪糕同埋「抹茶味」配藍莓芝士蛋糕雪糕，都幾驚喜喎。
呢啲自費活動梗係要埋單，兩位 $860，即係四百三蚊位，有呢啲牛，有啤酒、清酒任飲，其他飲品同甜品嘅表現都唔差，再加上佢係喺屯門 V City 對面，毗鄰屯馬綫屯門站，交通都算方便，所以應該係有下次嘅，睇際遇啦。。。
（地址：屯門鄉事會路88號 The Parkville 1樓12B號舖）
11 瀏覽
1 讚好
0 留言
$430
9 瀏覽
0 讚好
0 留言
張貼
