影片
更多
2020-11-06
138 瀏覽
好耐冇去gogomall搵食，自從冇左yoga班上，好少去果邊，原來好多餐廳都轉左手，要搵時間逐間試下先得！今次試呢間馬拉公公平民價錢食到正宗馬來西亞娘惹口味，原來老闆爸爸係馬拉西亞人，餐廳嘅醬汁湯包都係馬拉西亞製造！酥炸魚柳配當乾咖哩 $46✨馬拉咖哩好有椰漿香味，餐廳體貼地將個咖哩醬另上，迎合唔同人喜好加多定少，又唔會浸啲飯同魚柳。魚柳雖然已經凍左略腥，但個炸皮仲脆口，咬落唔油膩，點多啲咖哩汁味道其實幾好味。馬拉拉茶(跟餐+$7)✨餐廳用嘅係粉沖馬拉拉茶，奶味較重，本身怕會好甜，但意外地一啲都唔甜，大大杯，怕辣必叫。不過我都係中意飲南洋咖啡多啲。白咖哩海鮮滲滲 $48✨滲滲係油面加米粉，呢間油面比例多過米粉好多，我個人中意食米粉，因為唔中意油麵果陣鹼水味，不過配咗更濃味嘅白咖哩湯底又唔覺有鹼水味，整體都唔錯，性價比高，如果個湯可以多少少就更好。馬拉無糖黑咖啡 (跟餐 +5)✨我的最愛！！南洋咖啡，黑咖啡夠濃，加埋煉奶，絕配！！雜錦囉吔 Rojak $32 👍✨原來我第一次食馬囉吔，算係水果沙律，材料有青瓜、菠蘿、沙葛、豆卜同油炸鬼，撈埋佢地啲囉吔醬，個醬味道有啲似腸粉果啲甜醬有少少
今次試呢間馬拉公公平民價錢食到正宗馬來西亞娘惹口味，原來老闆爸爸係馬拉西亞人，餐廳嘅醬汁湯包都係馬拉西亞製造！
酥炸魚柳配當乾咖哩 $46
✨馬拉咖哩好有椰漿香味，餐廳體貼地將個咖哩醬另上，迎合唔同人喜好加多定少，又唔會浸啲飯同魚柳。魚柳雖然已經凍左略腥，但個炸皮仲脆口，咬落唔油膩，點多啲咖哩汁味道其實幾好味。
馬拉拉茶(跟餐+$7)
✨餐廳用嘅係粉沖馬拉拉茶，奶味較重，本身怕會好甜，但意外地一啲都唔甜，大大杯，怕辣必叫。不過我都係中意飲南洋咖啡多啲。
白咖哩海鮮滲滲 $48
✨滲滲係油面加米粉，呢間油面比例多過米粉好多，我個人中意食米粉，因為唔中意油麵果陣鹼水味，不過配咗更濃味嘅白咖哩湯底又唔覺有鹼水味，整體都唔錯，性價比高，如果個湯可以多少少就更好。
馬拉無糖黑咖啡 (跟餐 +5)
✨我的最愛！！南洋咖啡，黑咖啡夠濃，加埋煉奶，絕配！！
雜錦囉吔 Rojak $32 👍
✨原來我第一次食馬囉吔，算係水果沙律，材料有青瓜、菠蘿、沙葛、豆卜同油炸鬼，撈埋佢地啲囉吔醬，個醬味道有啲似腸粉果啲甜醬有少少辣味，配埋水果超開胃，食唔慣會覺得怪，我自己就幾中意。
#會再幫襯🙆🏻♀️
張貼
