GIN KATSU (已結業)

最鍾意中午時間試新餐廳，同一條街幾間拉麵舖都試過，就爭呢間吉列餐廳未試過，係中環站上半山電梯再走過來。呢次訂位同舊同事食生日飯，靜靜地幾舒服。金沢湯桶柚子梳打 | $68先來一枝柚子梳打，店員會準備冰杯，梳打冰凍解渴，甜味適中。吉列杜蠣 | $68可以散叫一些吉列炸物，有帆立貝、和牛漢堡等，我們叫了兩隻蠔，師傅先作調味再炸，見到未炸前隻蠔都幾大隻。蠔好新鮮，炸粉鬆化，紅色的醬汁係紅菜頭，配搭新穎。吉列日本A4和牛定食| $380一早已經決定好要食一個和牛定食，共120g和牛，都抵食。定食包括日本大根柚子漬物，未食過有柚子味的醃蘿蔔，可以另外買走一樽。味㬝湯都不普通，用牛肉去煮。和牛有兩款，牛柳及後腰眼，牛柳的油脂均勻又多，令人好期待。牛柳油香味好正。可以加$10將白飯轉為冷烏冬，夏天配搭冷烏冬好清新，可隨心加入紫菜、芥末及蔥粒。吉列雜錦定食 | $368有虎蝦、A4和牛60g、帆立貝、日本獅子唐，呢個餐的和牛感覺油脂冇咁高，虎蝦炸粉薄，爽口彈牙，配沙律醬。椰菜絲新鮮爽口，加上沙律汁酸酸地好開胃。