棋哥燒鵝餐室

營業中

休息中

諗唔到食咩，就最好食燒味飯。位於銅鑼灣鵝頸橋附近，叫「棋哥燒鵝」，主打燒鵝。平日都排哂隊，今日人少少，去到無任何理由唔食佢哋嘅燒鵝。外賣較多，入去食嘅人少咗，所以等咗陣就入得，當然入到去就叫咗個「燒鵝燻蹄飯」。「燒鵝燻蹄飯」燒鵝棗紅色脆皮多汁，夠juicy ，以荔枝木煙燻燒鵝，令到外皮帶濃濃獨特煙熏味，而皮下脂肪少，鵝肉肉質偏瘦，唔洗擔心每一啖都係肥膏而無肉食；燻蹄味道同平時食開嘅無太大分別，口感好而不膩。另外，飯本身偏乾，建議另嗌一碗汁，有需要加上。總結，呢個價錢有呢個質素，真心覺得值。