影片
更多
2022-04-03
20 瀏覽
我自己好喜歡飲手搖飲品，每次有新野當然要捉埋男朋友去陪我飲😏 今次就試吓期待已久嘅吃茶三千🥤 Menu上款式好多，樣樣都想試😂 第一次飲就試吓最普遍嘅珍珠奶茶同埋我喜歡嘅烏龍茶先💪🏻 職員通知我地要25分鐘左右，所以我地去行吓先再返嚟攞✌🏻✨國王珍珠奶茶 $36珍珠奶茶係用鳳眉紅茶沖制，紅茶味道香濃，再配埋皇家厚奶，奶味都好濃郁，同茶嘅比例配合剛好。珍珠有咬口夠煙韌🧋✨凍頂烏龍鮮奶茶 $34凍頂烏龍係我好喜歡嘅茶類，見到梗係要試啦😍 果然冇令我失望，鮮奶味好香好幼滑，而茶味亦夠濃郁，完全冇被鮮奶味蓋過，少甜對我嚟講啱啱好，淡淡地嘅甜味感覺更能夠帶出鮮奶嘅香同茶嘅濃。🔍整體感覺：職員預告嘅時間剛剛好，25分鐘之後返轉頭就叫到我地個號碼。每一杯都係即叫即沖，有別於其他茶飲店一大壺已沖泡好嘅茶。而我好欣賞嘅係每一杯飲品都會有一個獨立杯套連手提麻繩，就算冇自備都唔洗驚，可以拎住邊行邊飲，超級方便👍🏻 茶飲品質同店舖衛生亦都做得好好，下次一定要再試其他款式🤤
我自己好喜歡飲手搖飲品，每次有新野當然要捉埋男朋友去陪我飲😏 今次就試吓期待已久嘅吃茶三千🥤 Menu上款式好多，樣樣都想試😂 第一次飲就試吓最普遍嘅珍珠奶茶同埋我喜歡嘅烏龍茶先💪🏻 職員通知我地要25分鐘左右，所以我地去行吓先再返嚟攞✌🏻
✨國王珍珠奶茶 $36
珍珠奶茶係用鳳眉紅茶沖制，紅茶味道香濃，再配埋皇家厚奶，奶味都好濃郁，同茶嘅比例配合剛好。珍珠有咬口夠煙韌🧋
✨凍頂烏龍鮮奶茶 $34
凍頂烏龍係我好喜歡嘅茶類，見到梗係要試啦😍 果然冇令我失望，鮮奶味好香好幼滑，而茶味亦夠濃郁，完全冇被鮮奶味蓋過，少甜對我嚟講啱啱好，淡淡地嘅甜味感覺更能夠帶出鮮奶嘅香同茶嘅濃。
🔍整體感覺：職員預告嘅時間剛剛好，25分鐘之後返轉頭就叫到我地個號碼。每一杯都係即叫即沖，有別於其他茶飲店一大壺已沖泡好嘅茶。而我好欣賞嘅係每一杯飲品都會有一個獨立杯套連手提麻繩，就算冇自備都唔洗驚，可以拎住邊行邊飲，超級方便👍🏻 茶飲品質同店舖衛生亦都做得好好，下次一定要再試其他款式🤤
張貼
