堅石燒 (已結業)

平日鋸扒次數非常少，知道係朋友推介嘅黃店就嚟一試的確有良心，抵食好味﹗落咗一層後，有一排凳仔俾坐嘅人等位，唔算多，大概10張左右啦，聽講有時會大排長龍﹗落到去位置都幾闊落，先會見到自助bar，入到去見雖然有少少油煙，但唔會令人覺得唔舒服，因為枱同枱之間唔算密，有一定距離，唔會為坐多啲人而影響環境。另外值得一提係，因為我都好晏先食，見到店員會於準備關店時用熱水抹每張枱，感覺都關注衛生。先介紹自助吧，有：沙律：有分細同大，細嘅會用玻璃樽裝，感覺都幾環保，如果大嘅都可以用玻璃就好）湯（當日係大醬湯）白飯、意粉（當日啲意粉都會有輕輕調味，食落唔會覺得係就咁白烚，值得一讚）不同醬料，如燒汁、胡麻醬等雪糕：有雲呢拿、朱古力、芒果（味道都正正常常，唔算好大驚喜）兩個人嘅晚餐就叫咗美國大理石300G（$108），同美國豬鞍扒200G（$88）以呢個價錢，合理嘅質素，再加 $12 蚊就有咁多嘢揀嘅自助吧，個人認為好抵食﹗先講大理石，啱岩黎到雖叫五成，但仲有少少生，要等多一陣慢慢煮。切開唔難，燒嘅時候溫度夠，鎖到肉汁，食落唔錯而豬鞍扒呢，賣相相當吸引，色澤幾授，有幾舊蔬菜墊住以防太熟會太老，開頭熱食都唔錯