洪昇食堂

營業中

休息中

元朗洪水橋有間抵食小炒嘅大排檔，揸車去大排檔食嘢有2小時免費泊車。大排檔地方夠寬敞，6點時見到大部分座位都坐滿，氣氛好熱鬧。咕嚕肉🍖咕嚕肉外脆卜卜而且啖啖肉，加入蕃茄醬，口感酸酸甜甜，三色椒爽脆，開胃餸菜。椒鹽九肚魚🐠 上枱時已聞到椒鹽嘅香氣，炸粉厚薄適中，外脆內軟，九肚魚入口鬆脆又鮮嫩。上湯菜膽雞🐔雞件份量多，肉喺肥瘦適中，加入清甜嘅小白菜，菜沾滿濃郁嘅上湯，口感十足。揚州炒飯🍲炒飯加入叉燒、菜粒、蝦仁，令口感更豐富，炒飯沾滿蛋醬，食落有蛋香且粒粒分明，鑊氣十足。洪昇食堂 📌地址:元朗洪水橋洪元路55號地舖