影片
更多
2023-05-29
48 瀏覽
之前有好幾次經過黑布街都有留意到呢間餐廳，主要原因係好似次次經過入面都好多人咁，今次終於同男朋友決定要入去試一試～———————————————🌟Tap's Smash Burger 脆邊漢堡 $108呢個脆邊漢堡主要係有雙層本地屠宰免治牛，呢兩層牛相當之厚，而且煎到表面好香脆，咬落去嘅時候牛味好重肉汁亦都出曬嚟。漢堡入面另外都有雙層車打芝士同黑椒蛋黃醬，又邪惡又好食。.🌟Happy Fish Burger 開心樂魚堡 $108呢個魚堡最令人驚喜嘅地方係原來中間舊魚柳真係好鬼厚🤣咬落去真係啖啖肉，另外配有鹹酸菜他他醬同波菜苗，呢個配搭真係一流～.🌟Calamari 炸魷魚圈 $78魷魚圈上台熱辣辣咬落都好彈牙，醬方面亦都係配鹹酸菜他他醬，呢個醬真係配所有炸物都好正。.🌟Cha Chaan Teng 鹹檸啤 0.4L $76呢個係由少爺啤出品嘅手工啤，廿苦度相對比較低而且只有4%酒精濃度，味道方面個人認為係驚豔嘅，基本上佢有少少啤酒味但又唔會好重。第一下入口係啤酒麥香味，然後鹹香就會開始出，最後個鹹味會愈嚟愈重，個人認為係真係好好飲。.🌟Beautiful Rangers 荔枝玫瑰紅茶菌
之前有好幾次經過黑布街都有留意到呢間餐廳，主要原因係好似次次經過入面都好多人咁，今次終於同男朋友決定要入去試一試～
———————————————
🌟Tap's Smash Burger 脆邊漢堡 $108
呢個脆邊漢堡主要係有雙層本地屠宰免治牛，呢兩層牛相當之厚，而且煎到表面好香脆，咬落去嘅時候牛味好重肉汁亦都出曬嚟。漢堡入面另外都有雙層車打芝士同黑椒蛋黃醬，又邪惡又好食。
.
🌟Happy Fish Burger 開心樂魚堡 $108
呢個魚堡最令人驚喜嘅地方係原來中間舊魚柳真係好鬼厚🤣咬落去真係啖啖肉，另外配有鹹酸菜他他醬同波菜苗，呢個配搭真係一流～
.
🌟Calamari 炸魷魚圈 $78
魷魚圈上台熱辣辣咬落都好彈牙，醬方面亦都係配鹹酸菜他他醬，呢個醬真係配所有炸物都好正。
.
🌟Cha Chaan Teng 鹹檸啤 0.4L $76
呢個係由少爺啤出品嘅手工啤，廿苦度相對比較低而且只有4%酒精濃度，味道方面個人認為係驚豔嘅，基本上佢有少少啤酒味但又唔會好重。第一下入口係啤酒麥香味，然後鹹香就會開始出，最後個鹹味會愈嚟愈重，個人認為係真係好好飲。
.
🌟Beautiful Rangers 荔枝玫瑰紅茶菌 $80
呢枝其實係一種有汽益生菌發酵茶，只有0.5%酒精濃度，所以味道其實一啲都唔會苦，基本上所有原才料都係用有機嘅植物包括玫瑰同洛神花。整體味道係偏酸，玫瑰香味好出，飲落什至有少少覺得係一種手搖飲品，係好值得一試嘅飲品。
.
🔸整體評價🔸
所有食物同飲品都非常滿意，餐廳入面真係有好多特色啤酒選擇，建議鍾意飲啤酒嘅話真唔可以錯過。另外餐廳入面仲有啲Boardgame可以借嚟玩，大家收工約埋朋友仔過嚟慢慢Chill都仲得啊🥰
張貼
