劉興記生煎包專門店

營業中

休息中

喵仔琴日同喵女去咗旺角女人街掃街，行到攰攰哋，見到劉興記門口排長龍，忍唔住入去試吓佢哋嘅招牌生煎包！果然名不虛傳，皮薄餡靚，肉汁爆滿，真係一試難忘！仲叫咗幾樣小食，樣樣都咁高質，抵讚！ᗦ↞◃ ….….. ᗦ↞◃ ….….. ᗦ↞◃ ……… ᗦ↞◃ ………✨1) 招牌生煎包嘩！一上枱熱辣辣，個底煎到金黃香脆，咬一啖，肉汁即刻爆出嚟，真係要小心燙親！豬肉餡調味啱啱好，鮮甜多汁，加埋蔥花同芝麻，香味撲鼻！真係忍唔住一粒接一粒咁食！✨2) 手工豆沙窩餅呢個窩餅外脆內軟，豆沙餡甜而不膩，食落煙韌有咬口，而且唔會太油，作為飯後甜品一流！✨3) 麻醬青瓜雞絲粉皮粉皮滑溜溜，配上爽脆嘅青瓜絲同雞絲，口感豐富！麻醬汁濃郁惹味，撈埋一齊食，清新開胃！✨4) 白灼小棠菜苗雖然只係一碟普通嘅菜，但小棠菜好新鮮，翠綠爽口，食落清甜，可以平衡返食咗咁多煎炸嘢嘅油膩感！✨5) 排骨蔥油拌麵排骨炸得香脆，肉質嫩滑，蔥油拌麵嘅麵條彈牙，加上蔥油嘅香味，令人食慾大增！不過因為今次係新年年初四嚟，啲蟹粉同埋小籠包已經賣晒啦，下次會再嚟試過！😻吸喵指數：8.5/10ᗦ↞◃ ….….. ᗦ↞◃ ….….. ᗦ↞◃ ……… ᗦ↞