牛太郎 (已結業)

講到食日式燒肉，稍為高質嘅價錢都相對較貴，而最近興起食熱石燒肉，就俾我發現在旺角內街有間性價比非常高的熱石燒肉店，門口有自動售賣機去購買食物。只需要以一個價錢就食到喜歡嘅燒肉，以及任食沙律吧，尤其是牛肉湯，沒有添加味精，真材實料，於是連飲了兩碗。還有味噌湯、沙律、白飯，酸青瓜、雲耳等小食做得挺惹味的。澳洲肉眼，以熱石盛載着，發出吱吱響聲，食幾多切幾多，肉質軟腍有嚼口。牛柳，口感比澳洲肉眼更加軟腍、可口，稍為加些海鹽調味，令牛肉味更突出。臨走嘅時候，留意到門口有得夾公仔，幾得意，有興趣可以試吓夾唔夾得中。