影片
更多
4天前
0 瀏覽
話說近期凍咗（好似話聽日急降🥶)，都會想飲啖湯、食吓啲暖胃嘅嘢。咁啱喺旺角見到一間新開嘅雞湯麵店 @thick.soup ，就試吓佢。據店員講佢哋嘅湯底每日熬製成5個鐘，無添加味精。招牌係花膠雞湯鍋，會呈現天然嘅奶白色。不過任性嘅小編，都係叫自己鍾意嘅叫黃酒雞湯鍋。😂😂🤣黃酒雞湯鍋 $58佢所有嘅湯鍋都會跟一個爐同固體酒精熱住，以免天氣太凍，令到個湯凍咗，可以保持一定溫度。黃酒雞湯嘅雞味唔會好浮誇地濃厚，飲得出有一股天然煲出嚟嘅雞味，另外店家都落咗唔少嘅紅棗杞子同薑，所以飲落去薑嘅味道都幾突出，更加暖胃，幾啱女士/寒底人飲。🥣至於黃酒味亦唔係好重，飲落去係舒服順喉嘅。🍺佢哋嘅雞件所選嘅位置肉地都唔少，肉質唔會乾柴，而且都算軟腍。🐣🍗另外每個湯鍋亦都會再跟一兜嘅湯麵，湯麵嘅湯底就同湯鍋一樣。麵底亦可以揀薯粉、米線等等，小編就揀咗薯粉，食落都幾煙靭。碗麵都會有一啲腐皮、芽菜作為配料。味道：8/10另外小編發現都幾多人會叫嘅：魚三寶湯鍋 $58呢個嘅湯底就呈奶白色，入口帶清香嘅魚味，唔會腥。 🐟🐟而所謂嘅魚三寶係魚腐、白魚蛋同魚片頭。小編特別推介佢哋嘅白魚蛋，非常彈牙，魚香突出。☝🏻另外小編
話說近期凍咗（好似話聽日急降🥶)，都會想飲啖湯、食吓啲暖胃嘅嘢。咁啱喺旺角見到一間新開嘅雞湯麵店 @thick.soup ，就試吓佢。
據店員講佢哋嘅湯底每日熬製成5個鐘，無添加味精。招牌係花膠雞湯鍋，會呈現天然嘅奶白色。不過任性嘅小編，都係叫自己鍾意嘅叫黃酒雞湯鍋。😂😂🤣
黃酒雞湯鍋 $58
佢所有嘅湯鍋都會跟一個爐同固體酒精熱住，以免天氣太凍，令到個湯凍咗，可以保持一定溫度。黃酒雞湯嘅雞味唔會好浮誇地濃厚，飲得出有一股天然煲出嚟嘅雞味，另外店家都落咗唔少嘅紅棗杞子同薑，所以飲落去薑嘅味道都幾突出，更加暖胃，幾啱女士/寒底人飲。🥣至於黃酒味亦唔係好重，飲落去係舒服順喉嘅。🍺佢哋嘅雞件所選嘅位置肉地都唔少，肉質唔會乾柴，而且都算軟腍。🐣🍗
另外每個湯鍋亦都會再跟一兜嘅湯麵，湯麵嘅湯底就同湯鍋一樣。麵底亦可以揀薯粉、米線等等，小編就揀咗薯粉，食落都幾煙靭。碗麵都會有一啲腐皮、芽菜作為配料。
味道：8/10
另外小編發現都幾多人會叫嘅：
魚三寶湯鍋 $58
呢個嘅湯底就呈奶白色，入口帶清香嘅魚味，唔會腥。 🐟🐟而所謂嘅魚三寶係魚腐、白魚蛋同魚片頭。小編特別推介佢哋嘅白魚蛋，非常彈牙，魚香突出。☝🏻另外小編仲要讚一讚佢哋俾嘅娃娃菜份量好多，唔講仲以為自己叫咗菜底。🤣🤣🤣
主食方面，小編就揀咗米線。呢個魚湯相對雞湯會比較清啲，所以食得辣嘅朋友可以加少少辣油，轉變一下味道都唔錯。
味道：7.8/10
泡椒雞腳 $36
泡椒雞腳口感爽口，有唔少骨膠原。🤩而且冰冰涼涼，涼中又帶辣，都幾過癮。
抵食：8/10
服務：7.8/10
環境：7.7/10
廚匯濃湯雞 (旺角)
旺角快富街33號地舖
張貼
