LAB10 (裝修中)

最近好想食燒肉放題呀～前幾日就同朋友去左朗豪坊一間主打無煙放題燒肉既餐廳，好多時都大排長龍，好彩可能係平日所以唔洗點排😛一坐底之後我地就要揀set，而今次我地揀左Supreme Set ($298/1)😋一入座之後就餐廳會安排一份牛豬雞拼盤，之後自己可以根據餐牌再落單～◦ 肉類Supreme Set既肉主要係牛肉同海鮮，包括安格斯牛板腱、一口牛、厚切牛舌、豬頸肉、蜜汁豬肋粒、醬燒雞腎等，當中我最鍾意既就係安格斯牛板腱，切得幾薄但大塊，燒起黎都幾香口好食😋豬肉方面，豬五花切到幾薄，燒上黎都幾脆口😁◦ 自助Bar外面有個熟食/小食/甜品Bar，包括泡菜、薯條、炸香蕉年糕、棉花糖等，用黎送燒肉食真係唔錯😘蔬菜方面就有茄子、翠玉瓜、香菇、玉米等等，個人就推薦香菇❤️◦ 飲品飲品方面有唔少梳打，亦有可樂雪碧等。我選擇左青檸梳打，而朋友就叫左青蘋果梳打，兩杯都唔會好甜，味道都唔錯～餐廳地理位置真係非常方便，坐電梯上到10樓一岀就係餐廳！餐廳座位都唔少～室內裝修就如餐廳名咁似一個實驗室🧪📍Lab 10 旺角亞皆老街8號朗豪坊10樓26號舖