真‧章魚無雙

營業中

休息中

【東區】【真‧章魚無雙】呢間其實我唔係第一次買，葵涌廣場嗰間之前都有買過，印象中都係唔錯嘅。所以今次同朋友去太安樓掃街，當我哋掃掃吓好似仲爭少少嘢嘅時候，同呢間嘢可以話係一拍即合。就係咁樣，我哋就走到嚟佢舖頭前面睇喇。見佢都有啲人排吓隊，不過係喺可接受範圍之內，所以我哋就買喇。原來係分六粒同八粒，味道仲可以雙拼，不過有啲味就唔可以雙拼咁解。我哋仲有其他唔少嘅食物要飲要食，所以就淨係叫六粒，但叫兩隻味，試多啲味。一人揀一隻味，我揀咗「真‧蜜糖芥末章魚燒」，個蜜糖芥末醬同啲章魚燒都幾夾，而且都幾邪惡吓。至於朋友揀嘅「真‧激蔥章魚燒」佢自己就勁中意，我都覺得唔錯，主要係蔥夠多味道夠勁，$35 嚟講，係幾抵食幾滋味。咁我作為一個奇奇怪怪嘅 foodie，又點會食完一次幾粒就算。上次同女性朋友食而獲得好評嘅，今次咪試吓同男性朋友食，睇吓係咪咁照顧到唔同嘅顧客吖嘛。而且今次唔係兩個人食，係三個人食，試埋叫八粒睇吓效果係點。首先個「真‧柚子章魚燒」真係好有趣，甜甜哋咁個味好超乎想像。而「真‧沙律蛋章魚燒」反而普通咗啲，兩者好似各自為政，只係一個普通好食嘅章魚燒，驚喜度不足。呢份 $42 唔貴呀，都有