Vegmind

營業中

休息中

【東區】【vegmind】難得約到涼涼食嘢，梗係去啲高質素又非一般嘅餐廳。我揀咗西灣河呢間開咗冇耐嘅素食餐廳，試下佢哋係咪真係好似其他 foodie 講得咁好食。我哋 share 食，先試 $158 嘅「VMC素牛肉漢堡配法式薯條」，個包幾好食，餡料亦都充足，隻碟係熱嘅都好好。跟住試埋 $128 嘅「純雜菜千層麵羽衣甘藍忌廉汁」，個千層麵真係好有層次感，一塊塊咁食又得，一疊過咁食又得，忌廉汁又香濃，正。我哋都有試小食，最令我感興趣嘅一定係 $78 嘅「脆炸牛油果」，外脆內軟味道好，加埋純素牛油果醬係畫龍點睛。跟住試埋 $58 嘅「南瓜餅」，又係炸得好邪惡而南瓜味又香，仲有啲番薯嘅感覺，點埋蜜糖多一種味道添。飲品方面，我哋飲都係 $48 嘅「西西里檸檬梳打咖啡」同「提拉米蘇咖啡」，前者檸檬香味特別，後者濃味邪惡。夾埋食咗 $518，涼涼好滿意，足矣。。。（地址：西灣河鯉景灣太康街45號蘇豪東B期地下GB18-20號舖）@vegmindhk#1amfoodie #hkig #foodie #hk #hongkong #hongkongfoodie #hkfoodblogger #foodi