金雅餅店

營業中

休息中

入去開工前，突然想買蛋撻。呢頭附近得啲大商場，唔知有無啲好食嘅餅鋪。問一問住呢頭嘅街坊朋友，佢就搵咗呢間金雅俾我。買個日天氣奇焗同熱，其實由新城市行去餅鋪好快就到。傳統麵包店，好多選擇。本來好飽，入到去聞到個陣味又想食。當日真係好熱，仲要企係啲爐同雪櫃隔離，老闆娘同員工都大汗搭細汗。曲奇餅都有，係呢度總會搵到一樣嘢你想食。我最愛嘅腸仔包都有，好想食。剛好等10分鐘有新鮮蛋撻，出黎個刻真係好開心，兩打100元，一半係酥皮，食到個個同事都話正，個個都食到停唔到。