檸可遇見

營業中

休息中

【沙田區】【檸可遇見】我本身都好少飲呢啲手搖杯飲品，因為覺得唔係好健康咁。不過最近呢啲檸香飲品真係勁 hit，開到周圍都係。大家有留意我工展會嗰條片都知我有喺會場內飲咗一次，感受就一般。但係我唔會咁樣判咗佢死刑，一定會畀機會。試杯 $30 嘅「檸檬鴨屎香」，都應該係店內嘅「招牌菜」，本身諗住求求其飲吓，所以甜度我都冇理，由佢「正常甜」就算。點知店員話最近準備推出「雪梨椰果底」，準備要加錢先可以轉配嘅，但係未正式出所以畀我試吓。咁就梗係恭敬不如從命，兩件事又真係夾，都幾期待佢哋正式推出嘅時候，到時唔知要加幾錢呢。另外仲試杯熱飲，始終香港都已經進入咗冬季，展示吓啲熱飲畀大家睇都係一件啱嘅事。咁店員又推介咗一款熱飲，新出嘅。佢就係 $30 嘅「紫蘇茶」，睇佢出嚟個顏色偏向粉紅色，唔算好紫。原來店家講明不加色素，唔怪得。飲落個味唔算好重紫蘇葉嘅味，不過都好香，加上啲香檸嘅香味令到件事豐富咗好多。夾埋 $60 嘅價錢，以手搖杯嚟講唔貴。。。（地址：沙田石門京瑞廣場二期G27鋪）@meetwithlemon#1amfoodie #foodie #hkfoodie #thatfoodiething