影片
更多
2023-05-05
192 瀏覽
【沙田區】【穗興】其實我真係冇咩想講，呢排為咗屋企嘅事奔波勞碌，而且我本身就唔係一個能幹嘅人。人哋做一個鐘就搞得掂嘅嘢，可能我搞成半日甚至全日都未必搞得掂。加上我本身冇預咁快要處理呢啲嘢，仲有讀書嗰邊嘅事要跟，所以都幾「救命」吓。我雖然成日講明自己係冇朋友，但係我呢邊出事，其實都有啲朋友諗辦法幫我，都令到我覺得件事誠然唔係差到咁差嘅。而呢個 foodie 帳户反而遇到最大衝擊，因為我真係唔想再食嘢，或者花好多錢去食好嘢，大家有眼睇，冇好嘢嗰啲會少咗 like 喎。唔知大家仲記唔記得我住沙田，話雖如此，沙田好多地方其實我都係未去過嘅。咁就不如趁我冇乜胃口而又要食平嘢嘅情況下，去啲比較特別啲嘅地方食嘢，咁喺件嘢食未必咁吸引嘅情況之下，唯有靠個地段嚟令到成篇嘢變得特別咗。今日要講嘅呢間餐廳叫「穗興」，喺沙田穗禾苑，對於好多人嚟講，呢個地方可能好熟悉好正常，甚至古巨基、梁詠琪好似都住過，但係我就真係未去過。一場嚟到真係為咗食啲嘢就走，見到呢間茶記喺一樓，好似冇乜人咁，就入咗去。我叫咗個「皇牌特餐」，主食「沙嗲牛肉米粉」正正常常，「奄烈」係夾火腿，隻蛋整得有啲老，反而件「牛油多士」合理好多，杯「
我雖然成日講明自己係冇朋友，但係我呢邊出事，其實都有啲朋友諗辦法幫我，都令到我覺得件事誠然唔係差到咁差嘅。而呢個 foodie 帳户反而遇到最大衝擊，因為我真係唔想再食嘢，或者花好多錢去食好嘢，大家有眼睇，冇好嘢嗰啲會少咗 like 喎。
唔知大家仲記唔記得我住沙田，話雖如此，沙田好多地方其實我都係未去過嘅。咁就不如趁我冇乜胃口而又要食平嘢嘅情況下，去啲比較特別啲嘅地方食嘢，咁喺件嘢食未必咁吸引嘅情況之下，唯有靠個地段嚟令到成篇嘢變得特別咗。
今日要講嘅呢間餐廳叫「穗興」，喺沙田穗禾苑，對於好多人嚟講，呢個地方可能好熟悉好正常，甚至古巨基、梁詠琪好似都住過，但係我就真係未去過。一場嚟到真係為咗食啲嘢就走，見到呢間茶記喺一樓，好似冇乜人咁，就入咗去。
我叫咗個「皇牌特餐」，主食「沙嗲牛肉米粉」正正常常，「奄烈」係夾火腿，隻蛋整得有啲老，反而件「牛油多士」合理好多，杯「凍奶茶」都係正常嘅水準。始終睇返 $43 嘅價錢，同埋佢嘅位置，其實成件事都算合情合理，冇乜嘢好挑剔嘅。
可能有啲朋友初初開始睇我寫嘢，我要解釋返先，就係最近我屋企算係遭逢巨變，我嘅生活要徹底被扭轉，而且好多事要處理。大家睇返上星期或者再之前嘅 post 係會有趣些少，而且而家算屬於我嘅調整期，淨係睇食物嘅話可能會有啲失望，要講聲唔好意思先。。。
（按：漏咗寫，呢間嘢可能做街坊生意，服務唔錯）
（地址：沙田 穗禾苑商場 1樓F16至17號舖）
#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #1ambackup #1am0479 #globaleats #tastyfood #foodpics #followforfollowback #love #eat #1am沙田區 #沙田 #穗禾苑 #穗興 #茶餐廳 #火炭 #冰室 #常餐 #特餐 #沙嗲牛肉 #茶記
19 瀏覽
0 讚好
0 留言
張貼
