影片
更多
2023-05-05
281 瀏覽
【沙田區】【藍鳥葡國餐廳】好耐冇認真行吓禾輋商場，所以朋友話踢完波約我食飯，其實我都冇乜 idea 食乜。呢位朋友雖然喺食物質素上面嘅要求唔算高，不過佢係好 prefer 食黃店嘅，所以我搵起上嚟都會跟住呢個方向。只要唔係會搬龍門嘅話，其實唔難諗。即係咁，好似以 foodie 為例，唔好話平時講到自己淨係黃，然後又走去藍店，咁就係搬。開宗明義講明只講顏色，只係食一邊、講一邊嘅，大家會清楚明白。所以呢位朋友呢種我係欣賞架，起碼忠於自己，立場清晰嘛，係一條漢子。以沙田運動場為中心點嘅話，我諗嘅時候當然係由禾輋開始諗，再殺去瀝源，然後諗埋新城市。禾輋我諗住係藍店多，瀝源榮樂係黃但係真係難食咗好多所以唔想食，所以我諗住喺新城市搵啲冇顏色嘅餐廳食就算，唔通食美心集團，搏鬧咩。跟住又諗，朋友踢完波咁攰，未必行咁遠，雖然我知佢 okay，但係都辛苦嘛，所以都係再上網搵搵禾輋嘅餐廳。點知被我見到呢間唔係開咗好耐嘅葡國餐廳，仲要係有資料話佢係黃店，完全符合我嘅需要，因此就去呢間，朋友都同意就去喇。當時正值下午茶時段，我叫咗個「慢煮雞髀 + 香脆蒜茸法包」，個雞髀其實只係一隻好普通嘅滷水雞髀，唔難食嘅，亦
即係咁，好似以 foodie 為例，唔好話平時講到自己淨係黃，然後又走去藍店，咁就係搬。開宗明義講明只講顏色，只係食一邊、講一邊嘅，大家會清楚明白。所以呢位朋友呢種我係欣賞架，起碼忠於自己，立場清晰嘛，係一條漢子。
以沙田運動場為中心點嘅話，我諗嘅時候當然係由禾輋開始諗，再殺去瀝源，然後諗埋新城市。禾輋我諗住係藍店多，瀝源榮樂係黃但係真係難食咗好多所以唔想食，所以我諗住喺新城市搵啲冇顏色嘅餐廳食就算，唔通食美心集團，搏鬧咩。
跟住又諗，朋友踢完波咁攰，未必行咁遠，雖然我知佢 okay，但係都辛苦嘛，所以都係再上網搵搵禾輋嘅餐廳。點知被我見到呢間唔係開咗好耐嘅葡國餐廳，仲要係有資料話佢係黃店，完全符合我嘅需要，因此就去呢間，朋友都同意就去喇。
當時正值下午茶時段，我叫咗個「慢煮雞髀 + 香脆蒜茸法包」，個雞髀其實只係一隻好普通嘅滷水雞髀，唔難食嘅，亦都夠熱夠惹味，只係冇特別。個香脆蒜蓉法包其實都幾好食，只不過真係有啲燶。跟餐飲「凍奶茶」，我覺得甜咗少少。
之後我叫咗個「木槺芝士蛋糕」，係一件好普通嘅 cake，芝士蛋糕味欠奉，冇乜木槺蛋糕特色，反而外觀似模似樣，但食落就冇下次。加錢要埋「脆豬仔包」，奶油同奶醬我揀咗前者，okay 啦，都好難難食，餐飲「凍奶茶」走甜，正常啲。
朋友就食「里斯本風味燴牛肉飯」飲「凍檸茶」，我未去過里斯本，不過望落佢兜嘢就真係麻麻，而且都唔係好夠飯咁。所以都係叫多個下午茶「澳門經典豬扒包」飲「凍檸茶」，今次味道正常咗但枝國旗好笑，加配一碗「波多牛尾湯」似港式羅宋湯多啲。
我哋兩條友，一人叫咗兩個餐食，埋單 $192，唔算貴啦。期間傾咗好多嘢，始終耐冇見就係咁。尤其呢間餐廳原址嘅上一手係間個樣睇落有啲趕客嘅台灣菜，而再之前，好似係五十嵐日本料理，讀書嗰時有食過，真係充滿回憶，只能回味。。。
（地址：沙田德厚街3號禾輋廣場 2樓251, 252, 254及255號舖）
#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #1ambackup #1am0468 #globaleats #tastyfood #foodpics #followforfollowback #love #eat #1am沙田區 #沙田 #禾輋 #禾輋廣場 #藍鳥葡國餐廳 #葡國菜 #午餐 #下午茶 #黃店 #豬扒包 #豬仔包
17 瀏覽
0 讚好
0 留言
張貼
