影片
更多
2023-05-05
2149 瀏覽
【沙田區】【Chicken Factory】之前講過唔少次我係住沙田嘅，因為怕有啲讀者會 miss 咗嗰啲 post 所以都要不厭其煩咁提吓。確實我都真係唔似住沙田，成日都唔喺沙田食嘢。或者咁講，本區嘅人都會唔想食自己區嘅嘢而出外？我就係咁。我當然唔係想講每個人都係咁，例如本身住油尖旺區嘅朋友，可能區內選擇已經係全港最多，因此都冇咩好諗。而我呢啲唔算住市區嘅人，有時都要睇吓區內有冇咩平民美食，可能有驚喜，分分鐘遠在天邊近在眼前就揼春喇。今次講呢間同樣係沙田第一城商場賣咗畀置富之後嘅產品，我食咗第一次之後先知佢出面都有其他分店。都諗住有幾間啦，啱啱一睇，原來係足足 24 間，喂使唔使開到咁多啊。咁我寫佢，好似有違當初唔寫大集團嘅初衷。咁我不如趁機介紹吓 1am第一城 系列啦，其實就冇咩好介紹，就係 for 我個人用嚟爽吓嘅，咁又點？哈哈！不過第一城嗰時都被佢搞到有啲人龍，原來佢每到指定鐘數就會有燒雞限量發售，三五成群食燒雞，令我都幾好奇吓。所以第一次去我就叫咗「皇牌烤雞餐」半隻，配牛肝菌汁，可以揀兩個配菜，我揀咗「烤雜菜」同「焗薯」，唔差嘅，味道上對得住 $48 呢個價錢。尤其是當呢四十
我當然唔係想講每個人都係咁，例如本身住油尖旺區嘅朋友，可能區內選擇已經係全港最多，因此都冇咩好諗。而我呢啲唔算住市區嘅人，有時都要睇吓區內有冇咩平民美食，可能有驚喜，分分鐘遠在天邊近在眼前就揼春喇。
今次講呢間同樣係沙田第一城商場賣咗畀置富之後嘅產品，我食咗第一次之後先知佢出面都有其他分店。都諗住有幾間啦，啱啱一睇，原來係足足 24 間，喂使唔使開到咁多啊。咁我寫佢，好似有違當初唔寫大集團嘅初衷。
咁我不如趁機介紹吓 1am第一城 系列啦，其實就冇咩好介紹，就係 for 我個人用嚟爽吓嘅，咁又點？哈哈！不過第一城嗰時都被佢搞到有啲人龍，原來佢每到指定鐘數就會有燒雞限量發售，三五成群食燒雞，令我都幾好奇吓。
所以第一次去我就叫咗「皇牌烤雞餐」半隻，配牛肝菌汁，可以揀兩個配菜，我揀咗「烤雜菜」同「焗薯」，唔差嘅，味道上對得住 $48 呢個價錢。尤其是當呢四十八蚊係包埋枝「冷泡洛神花茶」，就會覺得算啦係咁上下。
第二次去食個「迷你海南雞飯」下午茶，配「香茅雞油飯」同「鮮製豆漿」，我覺得以 $31 嘅價錢嚟講都係抵嘅，都有幾件雞，有個麻麻哋嘅油飯，有枝嘢飲吓咁。呢種平價食堂近年都幾受歡迎，全港有成廿幾間咁多。。。
（地址：沙田銀城街1號置富第一城地下G37,G38及G38A號舖）
#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #globaleats #tastyfood #dessert #foodpics #followforfollowback #love #eat #1am沙田區 #第一城 #1am第一城 #chickenfactory #快餐 #皇牌烤雞餐 #烤雜菜 #焗薯 #迷你海南雞飯 #香茅雞油飯 #鮮製豆漿 #下午茶
94 瀏覽
0 讚好
0 留言
張貼
