馬場洞烤肉專門店 (新城市廣場三期) (已結業)

【沙田區】【Modern Majang】喺沙田長大，同中學同學約食飯都係喺返沙田區內，之但係呢個沙田同我哋成長嘅嗰個沙田，其實都相距甚遠。然而，我哋幾個都唔同晒，就當普通食個飯咁囉。搵到呢間韓燒，睇落唔錯，一行四人都等咗陣就入去坐低。叫咗個 $548 嘅「頂級濕式熟成烤肉宴」，寫到係二人份，有熟成烤肉、韓豚肩肉、韓牛里脊、牛膈肌、菲力牛排（配松露蛋黃醬），質素都唔錯。配合四件招牌原味「香脆無骨炸雞」同「迷你芝士辣炒年糕」，份量都多。講緊仲有「包飯菜及鯡魚子」同兩杯「水果梳打」，我哋叫咗青提同檸檬味，不過我冇份飲，佢哋話 okay 就得，二人餐嚟講唔錯喎。不過我哋四個人梗係繼續叫，個 $298 嘅「1++韓牛肋排肉」幾好食，我都好欣賞呢味。跟住 $148 嘅「護心肉」都可以，然後 $98 嘅「牛胸肉大醬湯配飯」我就麻麻哋，冇乜點掂佢。成餐飯加埋一係 $1201，即係一人三舊水，我覺得以呢個質素嘅散叫嚟講，性價比係對得住個商場，餐飯講得上係一啲都唔貴嘅。。。（地址：沙田沙田正街18號新城市廣場三期3樓A311號舖）#1amfoodie #foodie #hkfoodie #thatfood