小魚兒 (金馬大廈)

營業中

休息中

【油尖旺區】【小魚兒】一向都努力推薦紅館附近美食，今次同朋友嚟咗尖東呢邊試間我喺銅鑼灣已經食過一次嘅川菜，之前同真正哥食到勁 high，今次試埋呢間睇吓點。上次試咗烤魚，今次試吓佢哋嘅「人氣雞煲」，叫咗 $168 嘅「重慶雞煲」半隻，唔辣、唔麻、走洋蔥、走蒜頭。食落好好味，肉又多，落埋 $33 嘅「鮮腐竹」索汁食，仲正。跟住試埋 $38 關嘅「油麥菜」，有香濃嘅雞煲做 base，成件事好咗好多，隊個 $33 嘅「稻庭烏冬」埋尾一流。跟住我哋試咗幾款佢哋嘅「BBQ燒烤」，質素都相當高，大家都食得非常滿意。必試嘅係 $88 嘅「金銀蒜燒黃花魚春」，上次食咗今次翻兜，仲係咁正。而各 $38 嘅兩隻「蒜香牛油燒扇貝」同「蒜香牛油燒金菇」都一樣咁好食，因為個蒜香牛油真係好邪惡，同扇貝、金菇都配合得天衣無縫。埋單 $480，朋友都話估唔到咁平喎。。。（地址：尖沙咀金馬倫道16號金馬大廈1樓）呢間餐廳我寫過其他分店嘅用餐體驗以及食物，如果想睇，可以打以下 hashtag 搜尋返嗰次嘅用餐體驗記錄：灣仔區：1am1336@little.fish.hk#1amfoodie #foodie #hkfood