林仔茶檔 (已結業)

【油尖旺區】【林仔茶檔】我覺得每個香港人都有 n 次機會行經彌敦道，我自己都唔例外。但係每當我要搵嘢食嘅時候，又真係未必會諗到喺呢條街上面搵嘢食喎。所以今次就的起心肝，叫埋個朋友一齊去試呢間開咗唔係好耐而又大大粒字「林仔茶檔」嘅餐廳啦，呢啲茶記最啱我。點知去到見勁多人食佢哋嘅小菜，就算係下午茶時段都一樣咁樣食小菜喎，咁我就梗係好奇啦。朋友又唔介意陪我癲，咁就一齊食小菜啦。好多人叫 $86 嘅「琵琶豆腐」，我都要試，叫出嚟個樣幾靚，每粒都大大粒，味道好正，我哋都覺得釀得幾好。咁食小菜又冇理由食一個就算㗎，所以試埋 $90 嘅「蜜椒牛仔骨」，碟嘢出到嚟都 feel 到鑊氣好夠，啲蜜糖同紅椒絲掛喺啲牛仔骨上面，濃香撲鼻而來呀。食落唔會好靱得嚟，又冇話「好鬆肉粉」咁嘅味，而且都唔會話得鋪辣，成件事做得好好，係出色嘅。每個小菜嘅價錢都跟埋「白飯」同「中湯」各一，都係茶記水平嘅中上水準啦。小菜仲有埋個嘢飲，我試「熱奶茶」多奶，都係中上級茶記水準，朋友加 $3 試「凍奶茶」，都唔錯咁話。夾埋埋單價錢係 $179，個人覺得以呢個質素嘅小菜嚟講係勁抵。。。（地址：油麻地彌敦道552號龍馬大廈地舖）